Октоподна чуваркуќа (науч. Sempervivum octopodes) — локален ендемит во флората на Македонија од родот чуваркуќа (Sempervivum) и семејството дебелци (Crassulaceae), познат само за планините Баба и Ниџе. Се наоѓа на светската црвена список на загрозени растенија (IUCN 1997 Red List of Threatened Plants).ciliosum ssp. octopodes from Pelister, GipfelJaakko Jalas, Juha Suominen, Raino Lampinen, Arto Kurtto: Atlas florae europaeae. Band 12 (Resedaceae to Platanaceae). Seite 53, Helsinki 1999. ISBN 951-9108-12-2

Опис и распространетост Повеќегодишно тревесто растение, со месести листови во розета широка 2–2,5 см и со долги, тенки столони. Цветното стебло е високо 10–12 мм, покриено со густи жлездести влакна и со полураспоредени листови што се преклопуваат. Листовите во розетата се збиени, зелени со виолетово-црвен врв, обратно-јајцевидни до копјести, долги 10–12 мм и широки 3–4 мм, со ретки жлездести влакна; на врвот и рабовите имаат речиси четинести влакна долги околу 1 мм, а врвот е остар; стеблените листови се потесни, подолги, со понежни рабни влакна и темновиолетов врв. Цветовите се составени од 9–11 делови, со кратки дршки, собрани во куси цимозни гранчиња што создаваат компактно или поретко соцветие. Ливчињата на чашката се пурпурни или зелени со пурпурен врв, копјести, долги околу 5 mm, со остар врв и густи жлездести влакна по површината. Венечните листови се жолти или само во основата виолетови, долги 8 мм и широки 1,5–2 мм, со остар врв, а од задната страна и рабовите покриени со жлездести влакна. Прашниците се пократки од венечните листови; филаментите се темнорозови до пурпурни, со влакна во основата, а антерите розово-виолетови. Мешунчињата (плодовите) се темнокафеави до пурпурни, со ретки жлездести влакна и долго столпче.

Расте на високопланински пасишта со силикатна подлога, на надморска височина од 2300–2600 м. Се среќава на планините Баба - Пелистер и Ниџе - Кајмакчалан. Галерија

Наводи

Категорија:Чуваркуќи Категорија:Флора на Македонија Категорија:Ниџе Категорија:Ендемска флора на Пелистер Категорија:Дебелци Категорија:Флора на Европа