'Ргаѓавата дебелоглавка (Ochlodes sylvanus) е пеперуга од семејството на Дебелоглавки. Пеперугата ја има и во Македонија.
Распространетост ’Рѓавата дебелоглавка се наоѓа во Европа па сè до Јапонија. Ја има на Британските Острови.Funet Живее каде има висока дива трева, покрај шуми и чисти предели.
Опис Пеперугата има распон на крилја од 28–32 мм, и е слична по големина со шарената дебелоглавка. Оваа пеперутка е релативно мала во големина. Горниот дел од телото е во портокалово-кафеава боја (од таму и името). Долниот дел од телото е зеленкасто-жолто со светложолти дамки. Мажјаците во предниот дел на горната страна имаат и темна линија. Гасеницата достига до 28 мм. Има голема црнкасто-кафеава глава и синкасто-зелено тело.
Животен век Во северна Европа овие пеперуги имаат една генерација годишно, но во јужните предели на Европа може да има и до три генерации.
Јајцата се поставуваат единечно и често се положуваат на растенијата: Dactylis glomerata, Molinia caerulea, Brachypodium sylvaticum, B. pinnatum и Calamagrostis epigejos. Ларвите се хранат и со растенијата: Poaceae, Phalaris arundinacea, Alopecurus pratensis, Calamagrostis purpurea, Deschampsia flexuosa, Phragmites communis и Elymus caninus.
Кожурецот трае околу три седмици во мај и јуни. Возрасните единки летаат од јуни до август.
Галерија
Поврзано Пеперутки во Македонија
Наводи
Литература
Jim Asher et al. The Millennium Atlas of Butterflies of Britain and Ireland. Oxford University Press.
Надворешни врски
Пеперутки во Обединетото Кралство Пеперуги во Европа Paolo Mazzei, Daniel Morel, Raniero Panfili Пеперутки и молци во Северна Африка и Европа
Категорија:Дебелоглавки Категорија:Инсекти на Македонија