„Кариерата на Сузан“ (француски: La carriere de Suzanne) — француски филм од 1963 година, во режија на Ерик Ромер, кој е и автор на сценариото. Главните улоги ги играат: Катрин Се (Catherine Sée), Филип Бузен (Philippe Beuzen) и Кристијан Шариер (Christian Charriere). Филмот е дел од циклусот „Морални приказни“ (Contes moraux).
Содржина Бертран е студент чиј најдобар другар е Гијом. Еден ден, Гијом ја освојува девојката Сузан која набргу му станува здодевна. Тогаш, Сузан повеќепати го кани Бертран да излезат заедно, а Бертран и Гијом ја злоупотребуваат нејзината добрина, зашто таа ги плаќа сметките во баровите и рестораните. Откако раскинува со Гијом, една ноќ, Сузан преспива кај Бертран, а утредента, тој открива дека некој му ги украл парите. Бертран е убеден дека Сузан е виновна, а не знае дека Гијом е крадецот. На крајот, Сузан наоѓа ново момче, а Бертран го сфаќа тоа како нејзина одмазда кон него и Гијом.HRT, La carriere de Suzanne, francuski film (12) - 100 godina Erica Rohmera (пристапено на 19.5.2020)
Наводи
Категорија:Француски филмови Категорија:Филмови на француски јазик Категорија:Филмови од 1963 година Категорија:Црно-бели филмови Категорија:Филмови чие дејствие се одвива во Париз Категорија:Филмови на Ерик Ромер Категорија:Филмови со Катрин Се Категорија:Филмови со Кристијан Шариер Категорија:Филмови со Филип Бузен