Корјо-сарам (; ; ) е поимот кој за себе го користат етничките Корејци во пост-советските републики. Тој се состои од два дела: „Корјо“ е едно од имињата за Кореја и „сарам“ што значи човек или луѓе.
Околу половина милион етнички Корејци живеат во поранешните републики на Советскиот Сојуз, особено во независните држави во Средна Азија. Големи корејски заедници постојат и во јужна Русија (близу Волгоград), во рускиот далечен исток (околината на Владивосток), Кавказот и јужна Украина. Сите овие заедници водат потекло од Корејците кои живееле во рускиот далечен исток кон крајот на XIX век.
Посебна група на етнички Корејци живее на островот Сахалин, по кој тие се познати како Сахалински Корејци. Многу од овие Корејци не се идентификуваат како Корјо-сарам. За разлика од другите заедници, чии предци во најголем дел имигрирале кон крајот на 19тиот и почетокот на XX век, Сахалинските Корејци водат потекло од провинциите Ќонгсангдо и Чоладо. Нивните предци биле присилени во 1930-тите и 1940-тите да работат во Сахалинските рудници за јаглен од страна на јапонската влада, каде имало недостиг на работна сила поради Втората светска војна. Во тоа време, Сахалин бил дел од префектурата Карафуто на Јапонската империја.
Наводи
Категорија:Корејска дијаспора Категорија:Корејско-советски односи Категорија:Етнички заедници во Русија Категорија:Етнички заедници во Украина Категорија:Етнички заедници во Узбекистан Категорија:Етнички заедници во Казахстан Категорија:Етнички заедници во Киргизстан Категорија:Етнички заедници во Таџикистан Категорија:Етнички заедници во Туркменистан Категорија:Етнички заедници во Финска