thumb|right|200px|Sant Ròc qu'aganta son bordon e mòstra sa plaga.
Sant Ròc (nascut a Montpelhièr cap a 1295 - mòrt a Voghera en 1327) es un dels sants occitans mai coneguts internacionalament. Ròc que foguèt confessor a Montpelhièr, venguèt lo patron des cardaires. Es onorat lo 16 d'agost.
Ròc nasquèt a Montpelhièr, filh unenc d'un consol de la vila e d'una maire Libèra. Foguèt orfanèl jovenet e fisat a un oncle. Estudièt probable la medecina que, per sonhar un bubon, emplegava una lanceta, instrument qu'emplegavan ja los metges de la vila (Montpelhièr ten dempuèi 1141 sas escòlas de medecina). A sa majoritat, distribuiguèt totes sos bens als paures e partiguèt en pelegrinatge cap a Roma.
Es lo sant pus invocat, a partir de l'Edat Mejana, coma protector de la terribla calamitat de la pèsta, e sa popularitat es encara espandida. Son patronatge s'es progressivament estendut al monde paisan, als animals, a las grandas catastròfas coma los terratrèms, las epidemias e las malautiá grèvas; dins un sens pus modèrne, es un exemple de solidaritat umana e de caritat crestiana, al nom del volontariat. Al fial dels sègles, venguèt un dels sants mai coneguts sul continent europèu e otra-mar, ma es taben demorat un dels pus misterioses. thumb|200 px|Potz de Sant Ròc a Montpelhièr
Ligams extèrnes
(en francés) Association Internationale Saint Roch de Montpelhièr bibliografia, distribucion d'aiga lo 16 d'agost, calendièr de las Fèstas, contacte de las diferentas delegacions internacionalas... (en francés) Sit del santuari Sant Ròc a Montpelhièr vila de sa naissença
Ròc