Montsempronh e Libòs (Bénédicte Boyrie-Fénié escriu Montsempronh-Libòs Bénédicte Boyrie-Fénié, Dictionnaire toponymique des communes, Lot-et-Garonne, ed. CAIRN e Institut Occitan, Pau, 2012, p. 182-183), en francés Monsempron-Libos, es una comuna agenesa https://web.archive.org/web/20161115015531/http://gallica.bnf.fr/ark:/12148/btv1b77101733/f1.item.zoom, situada dins lo departament d'Òut e Garona e la region de Novèla Aquitània, ancianament d'Aquitània.
Geografia Perimètre del territòri
Toponimia Montsempronh. Bénédicte Boyrie-Fénié fornís la prononciacion, [muŋsem'prun li'βɔs] e de nombrosas atestacions en occitan o latinizadas. Presentacion simplificada : Montem Sempronium (1259), Monsemperunh (1265), Montis Sempronii (1269), Montesemproym (1271), Montesonpronio (1326), Montesonpronon (1326), Monte Sempronio (1498), Montissempronii (1498, 1513), Monsempron (1562), Monsimpron (1582), Monscimpron (1677), Monsoupron (mapa al sègle XVII) . Dauzat e Rostaing supausan que lo nom es format del mot latin mons e del nom ancian del vilatge, tirat del nom latin Sempronius. Los autres (Negre, J. Astor, citats per Bénédicte Boyrie-Fénié, e B. Boyrie-Fénié ela-meteissa, considèran pus simplament que lo nom es tirat de mont, del latin monte(m) (de mons) e del nom roman d'òme Sempronius. Puslèu que de monte(m) Semproni(i) (genitiu complement de nom), qu'auriá segon el donat un -n final mut, Maurici Romieu precisa que l'etime es monte(m) semproniu (adjectiu epitèt), confòrme a la grafia anciana en -nh e a un -n palatal (prononciat alveolar dins l'airal) . Libòs. Bénédicte Boyrie-Fénié, qu'a pas d'atestacion per aquela bastida anglesa de 1305, accèpta l'opinion de Negre que fa venir Libòs d'un nom de persona Libo ambe lo sufixe -os (-òs, que ven de -òtz) . L'idèa d'un sufixe aquitanic al nòrd-èst de l'Agenés pausa problèma : passatge antic de pòbles aquitanics luènh de lor territòri conegut istoricament ? transferiment d'un nom gascon (mas se coneis pas cap autre Libòs) ? Libòs, que foguèt pas parròquia abans lo sègle XIX, qu'es donc un lòc ordinari que venguèt tard un vilatge important e una vila, pòt dificilament aver gardat un nom d'origina antica. De tradicions localas fan venir Libòs d'un ancian idrotoponime Arribos, dont le sens seriá « sus las ribas » http://www.monsempronlibos.fr/?id=30053 (comprene donc a ribas ?). Caldriá alara admetre un càmbiament d'accent tonic. Totas aquelas suposicions semblan plan fantasiosas. Probable que caldriá legir Libans, prononciat [li'ßɔs], al mens dins la lenga anciana, nom que demòra a explicar. Cf. Lubans, dins la comuna d'Alon.
Istòria
Administracion
Abans la refòrma cantonala de 2014, aplicada en 2015, la comuna èra del canton de Fumèl; es adara del canton de Le Fumélois (en francés).
Demografia
En la populacion èra de abitants e la densitat èra de ab/km² Luècs e monuments
Personalitats ligadas emb la comuna
Veire tanben Comunas d'Òut e Garona Ligams extèrnes
Nòtas
Categoria:Comuna d'Agenés Categoria:Comuna de Guiana Categoria:Comuna d'Òlt e Garona