Lo guindolièr o agriotièr, (variantas: guinhièr; gasc. griotèr, grindolhèr; prov. grafionier; aup. agrafilier, agrafiotier, agrafionier, agrutier) (Prunus cerasus) es un arbre fruchièr del genre Prunus, familha de las Rosaceae. Es cultivat per sos fruches, las agriòtas/griòtas, guindas, guindolas, guindolhs gasc., guinhas o moretas gasc.
Sinonims
(=) Cerasus vulgaris Mill. (=) Prunus vulgaris Schur Prunus marasca (Host) Rchb. [≡ Prunus cerasus var. marasca] Prunus semperflorens Ehrh. [≡ Prunus cerasus var. semperflorens]
Etimologia L'apellacion cererièr agre es justificada, car lo tèrme agriòta o griòta deriva precisament de agre.
Descripcion esquèrra|vinheta|Cerasus vulgaris segon Masclef 1891 Lo Prunus cerasus es un arbrilhon, que despassa rarament 8 mètres de nautor, a la diferéncia de l'amarovièr que pòt aténher 20 mètres. A l'estat salvatge, es un arbrilhon que gaissa facilament, en formant de boissons dins las baranhas e e los torals. Sas brancas pus feblas que las de l'amarovièr, son espandidas o pendentas.
Lo pecol de 1-2 cm de long es fòrça pus cort que lo de l'amarovièr que fa 2-7 cm. Pòrta o pas de nectaris. Lo limbe elliptic, de 5-8 cm × 3-5 cm, a de margas finament biserruladas.
Las flors, amassadas en ombèlas de 2-4 flors, apareisson al començament de la foliacion. Son blancas e fan 2 - 2,5 cm de diamètre. A la diferéncia dels cerièrs, son autogamas. La florida a luòc en abril-mai.
Lo fruch es una drupa, de color roge viu a negre e brilhant, de 1,2 - 1,5 cm de diamètre, fòrça chucosa, de sabor acidulada, conven per las confituras e las conservas amb aigardent.
Ecologia
Origina
esquèrra|vinheta|P. cerasus pòt derivar de l'ibridacion de P. fruticosa e P. avium que benlèu a produit de gamèts diploïds
vinheta|P. cerasus subsp. acida, Cererièr de Montmorency (arboretum de Le Breuil) vinheta|Morelles fr. madura
Utilizacion
Galariá
Nòtas
Ligams extèrns
Categoria:Prunus Categoria:Portal:Botanica/Articles ligats