Poeta e comediògraf. Armand Motura (Armando Mottura a l'anàgrafe) a nass a Turin ël 22 d'ost dël 1905. A l'é tra ij fondator dla Companìa dij Brandé. A meuir ël 29 d'otóber dël 1976.
Euvre
Poesìa Reuse rosse (1947) Sa cujìa a l'ha 'l midem tìtol d'un libret përsonal daità dij 30 ëd gené 1930 ch'a contnisìa 23 poesìe. Ëd coste, mach 12 a son contnùe ant la publicassion dël 1947. Paisagi 'd Val Susa (1949) La patria cita (1959) ... E adess pòvr òm (1969) Vita, stòria bela (1973) Le rime d'Oulx (1987)
Teatro L'euvra teatral ëd Motura a arvela në spìrit satìrich, sutil ma nen ësbefios nì brusch. L'ambient ch'a arpresenta a l'é scasi sempe col ëd j'ovrié o dla pòvra gent, con dij përsonage arsegnà a sò destin. Nòsse dë stèile (3 at - arpresentà dël 1930) Roussot (at ùnich) L'amor dij giovo (comedia musical an 3 at - mùsiche d'Alfredo Nicola publicà an sël nùmer 4 dla Colan-a musical dij Brandé - arpresentà dël 1932) Viva la sposa! (comedia musical an 3 at, scrita ansema a Pinin Pacòt - mùsiche d'Edoardo Vercelletti - arpresentà dël 1936) E la roa a l'é ancantasse (comedia an 3 at - arpresentà dël 1948 - publicà da Ij Brandé ant la Colan-a teatral piemontèisa dël 1950) Stòria sempia ëd na cobia ëd giovo. Pòvri cit (3 at - arpresentà dël 1950) Un colp ëd sol (3 at - arpresentà dël 1954) Creature (3 at - 1954) Peul sempre desse (comedia an 3 at - arpresentà dël 1955 - publicà an sël nùmer 2 dla Colan-a teatral dij Brandé) La létera 'd maman (3 at, da na comedia ëd De Filippo - arpresentà dël 1958) Girò fantasìa (Stòria d'un pòvr diav) (3 at) Oh! Ij mè sòld
Arconossiment Motura a vagna ël premi ëd poesìa Sanrem 1946. Sò travaj Girò fantasìa (Stòria d'un pòvr diav) a vagna ël premi Sità ëd Siriè 1960.
A pòrto sò nòm Targa Mottura
Motura, Armand Motura, Armand Motura, Armand