Myrrhis odorata Pianta erbosa, con odor d'ànes, ch'a viv sempe. Gambe drite, veuide, motobin ramificà, àute da 50 a 120 cm. Le feuje a son quadripënnà e a smijo motobin a le féles; a son a parapieuva, con 8-10 ragg. Ij frut meuvr a luso.
Ambient A chërs ai bòrd dij senté, ant ij pòst ùmid, ant ij pra ëd montagna, da 1000 fin a 2100 m., a fioriss da luj a aost.
Proprietà A l'ha ëd proprietà tòniche, digestive, diurétiche.
Cusin-a Le feuje a peulo esse dovrà për deje ël savor d'ànes a formagg e doss. Le reis e ij frut a aromatiso brande (grape) e licor d'erbe.
Arferiment bibliogràfich për chi a veul fé dj'arserche pì ancreuse Myrrhis odorata L. (Scop.)
Categorìa:Erbe aromàtiche Categorìa:Myrrhis