thumb|Mont Mufara d'invern Ël Mont Mufara (an italian: Monte Mufara) a l'é na montagna ëd Sicilia àuta 1.865 méter. As treuva ant ël teritòri dël comun ëd Petralia Sottana, ant la Sità metropolitan-a ëd Palerm, e a fà part dël massis dle Madonie. A l'é vzin al Pizzo Carbonara (1.979 m), la sima pì àuta dle Madonie, e a la località Piano Battaglia, na stassion dë sport invernaj.
La montagna a l'é spëcciant ël Pizzo Carbonara e, dal versant setentrional, a l'é quatà da un foé. Ant la zòna a-i é n'amportant parch astronòmich con un telescòpi për ël monitoragi d'oget near-Earth (asteròid).
D'invern, ël Mont Mufara a l'é na stassion dë sghi con vàire piste (da 1.570 a 1.840 méter), riparà e slargà dël 2016. La segiovia a pòrta al pé dla sima, rendend la montagna acessìbil a sghiador ëd tùit ij livel.
Ambient Ël Mont Mufara a l'é ant ël Parch dle Madonie (Parco delle Madonie) e a l'é 'dcò ant la "Rete dij geoparch global" ëd l'UNESCO. Da na mira naturalìstica, la montagna a l'é caraterisà da 'n bòsch ëd fò e da vàire specie endémiche.
Acess La montagna a l'é acessìbil da la stra ch'a men-a a Piano Battaglia. S peul rivesse an sima con na segiovia d'invern, o a pé d'istà con un senté ch'a part da la stassion.
Anliure Pizzo Carbonara Petralia Sottana UNESCO
Montmufara Montmufara