Descrission A l'é na pianta erbosa ch'a viv sempe, auta da 5 a 30 cm, con la gamba rossastra peilosa. A l'ha le feuje basaj a rosëtta e a lansa, a smijo ëd papé e a l'han dë spin-e ch'a foro. Le fior a son compòste, ëd color giaun pajarin o brunastr, contornà da dle sòrt ëd petaj bianch argent, ch'a la fan smijé a na margrita.
Ambient A chërs ant ij pra da 700 a 2.900 m.
Fioridura Da luj a stèmber.
Particolarità A l'é proteta e conossùa ëdcò com carlin-a marcatemp, përchè un temp as butava an sle pòrte dle ca ëd montagna përché as sara quand ël temp a l'é ùmid e as deurb quand a l'é sech. Ël nòm Carlina a smija ch'a riva da Carl Magn, ch'a l'ha sognala com pianta ch'a podìa serve a varì ij sò òm da la pest.
Arferiment bibliogràfich për chi a veul fé dj'arserche pì ancreuse Carlina acaulis (L. 1753)
Categorìa:Carlina Categorìa:Fior ëd montagna