Социализм з людсков тварьов, Socialismus s lidskou tváří — неофициална назва програмы, з котров выступив Александер Дубчек, коли в януарѣ 1968 зостав выбраный за предсѣдателя Централного комитета Комунистичной партии Чехословакии. Официално програма звала ся Акчна програма КПЧ, Akční program KSČ.https://web.archive.org/web/20160305200017/http://www.68.usd.cas.cz/files/dokumenty/edice/405_1.pdf 1968, 5. duben, Praha. - Akční program KSČ. Програма была прията 5. апрѣля 1968, хоть уже часточно зачала ся практично реализовати нараз по выголошѣню.
Была зрушена цензура, значный розвой достала култура, были обновлены перед тым заказаны сполоченскы организации Сокол и Юнак, люде легше могли путовати за границѣ. Поступно люде ся збавляли страха и зачинали слободно высловльовати свои погляды. З СССР ай иншых социалистичных держав зачала звучати критика, же тот обродный демократизачный процес може привести до контрареволуции.http://historie.lusa.cz/obnovene-ceskoslovensko/socialismus-s-lidskou-tvari/ Socialismus s lidskou tváří
Конзервативны комунисты жадали од СССР и «братскых» социалистичных держав военску помочь, жебы тот процес зоперти. Наконець 21. августа 1968 Чехословакия была окупована войсками Варшавского пакта, реформаторы были одстранены, и зачала ся т. зв. «нормализация», котра означала старый курс.
Идея неофициалной назвы програмы могла походити од книгы Людска тварь влады («Power’s Human Face») америцкого политолога Артура Гедли, котра вышла в року 1965.http://www.bibliotekar.ru/encSlov/17/156.htm Социализм с человеческим лицом.
Жерела и одказы Socialismus s lidskou tváří Социализм с человеческим лицом. //Энциклопедический словарь крылатых слов и выражений, Автор-составитель Вадим Серов
Референции
Катеґорія:История Чехословакии Катеґорія:Комунизм