Бейла Кун (), родженый Бейла Когн (; 20. фебруар 1886 — †30. август 1938) быв мадярскый комунистичный револуционарь и политик, фактичный лидер Мадярской Совѣтской Републикы, котра екзистовала 133 днѣ,Béla Kun, Hungarian communist leader. пак по падѣ мадярской револуции емигровав до Совѣтского Союза, де быв функционарьом Комунистичной Интернационалы и Предсѣдником Револучного Комитета Крыма, организатором и активным участником Червеного Терора на Крымѣ (1920-1921).
Дѣяня в Мадярщинѣ Быв сыном сельского нотаря Шаму Когна, приходника з Галича, жидовской народности але безучастного ку вѣрѣ. Бейла Когн од скорой молодости быв активный в социал-демократичной политицѣ в Ардялѣ, а пак в Будапештѣ. Закончив коложварску калвинску середну школу и зачав штудовати право на коложварской универзитѣ, але в року 1904 лишив штудии и зачав працовати яко новинарь под псевдом Бейла Кун, котрое пак позднѣйше стало его официалным именем.Borsányi György, c. 6 Вецераз ставав перед судом за свои статьи, в року 1907 одбыв в арештѣ повроку. Лишив новинарство, а заняв пост секретаря Роботницкого секурацийного фонда, де неодовго быв прилапленый на спроневѣрѣ, але не пошов до арешту, бо вернув грошѣ.Borsányi György, c. 34
В року 1913 побрав ся з Иренов Гал, учительков музикы.
В зачатку Первой свѣтовой войны быв позваный до войска, а в року 1916 в России трафив до заятя. Там ся спознав зоз болшевиками, вступив до их партии, а замерьковав го ай сам Ленин, котрый го послав на школованя в револучной тактицѣ. Кун ся вернув до Мадярщины по роспадѣ Австро-Мадярщины, заложив Мадярску комунистичну партию и комунистичны новинкы. Во фебруарѣ 1919 быв всадженый до арешту, але было му дозволено одты вести дале комунистичну партию. Вывинув широку пропаганду, в котрой было сполоченске подбурьованя споене з обѣцянками, же кедь они достануть владу, прийде им на помочь совѣтска Россия против румынского войска, котре забирало все векшу часть Мадярщины.
20. марца 1919 быв выпущеный з арешту и формално заняв пост Народного комисаря загранича, еден час и Народного комисаря обороны, але фактично быв лидером комунистичной Мадярской Совѣтской Републикы, котра продержала ся 133 днѣ. За тот час забили в штатариалном поступованю найменше 590 особ, меджи котрыма 200 были педагогы, а 34 «жидовскы буржуи»Tóth Gy. László – Kaslik Péter: A pótolhatatlan Kun Béla. Magyar Nemzet Magazin, 2005. november 19., szombati száma
Наперек своей величезной енегрии и хытрости, Бейла Кун быв затвердѣлый догматик, хотѣв моменталный резултат и терористичныма методами одвернув од себе векшину обывательства. Россия на помочь не пришла. Комунистичный режим скраховав 1. августа 1919 и Бейла Кун з другыма народныма комисарями утѣк до Австрии.
Дѣяня в заграничу В Австрии тогдышна социал-демократична влада интерновала их, а подля споминок его жены, укрыла их раз в замку Карлштайн, а пак дале в психичной болници Штайнгоф, жебы захранити им живот перед групов помсты, котра их мала забити.Kun Béláné: Kun Béla, Budapest, Magvető Könyvkiadó, 1969
Бейла Кун быв выпущеный до России в юлу 1920, а в новембрѣ достав пост Предсѣдника Револучного Комитета Крыма, де въедно зоз секретарьков Крымского комитета болшевицкой партии Землячков организовав червеный терор. Про зачаток были забиты около 50 тысяч заятых антиболшевикох и воякох Бѣлой Гарды генерала Врангеля, котры повѣровали обѣцяной болшевиками амнестии и доброволно пошли до заятя.Donald Rayfield. Stalin and His Hangmen: The Tyrant and Those Who Killed for Him. New York: Random House, 2004; p. 83 Дале были забиты мѣстны обывателе, во великой мѣрѣ крымскы Татары, число тых жертв было 60 аж 70 тысяч.Едиге Киримал: Знищѣня крымскых Татарох.
Од марца 1920 Кун, бывши на ведучых постах в Комунистичной Интернационалы, усиловав ся робити револуцию в Германии и Австрии, але без успѣху. В конци 1930-х, коли Сталин рѣшив зликвидовати стару ленинску гарду, 28. юна 1937 Бейла Кун быв арештованый НКВД и обвиненый з контрареволучной чинности, тяжко мученый, а 29. августа 1938 Найвысшым Судом СССР засудженый на смерть.Мемориал: список жертв, Кун Б.М.
Жерела и одказы Borsányi György: Kun Béla. Budapest, Kossuth Könyvkiadó, 1979. Béla Kun, Hungarian communist leader. //Encyclopaedia Britannica Мемориал: список жертв, Кун Б.М. Едиге Киримал: Знищѣня крымскых Татарох. International Committee for Crimea
Референции
Катеґорія:История Мадярщины Катеґорія:Політічны лідеры Катеґорія:Комунизм