Мозес Гомберг, Moses Gombeгg, *8. фебруар 1866, Елисаветград, Россия — †12. фебруар 1947, Анн Арбор, Мичиган, США, америцкый хемик-органик.Encyclopaedia Britannica
Биография Родина Григория Гомберга и Марии Резниковой з дѣтми охабили Россию в року 1884, лишивши там вшиток свой маеток, понеже головѣ родины и его 18-рочному сыну Моисею грозив арешт за участь в политичном комплотѣ против режима. Оселили ся в Чикагу, де Моисей-Мозес за два рокы научив ся англицкый язык, склав матуриту и в року 1886 зачав штудии на Мичиганской универзитѣ. В року 1890 зыскав бакаларскый ступень, в року 1892 — магистерскый, в року 1894 обгаив докторску роботу з органичной хемии. Од року 1893 до року 1936, коли пензионовав, служив на мѣстѣ асистента, а пак професора во своей alma mater. В року 1925 став ся деканом хемичной факулты.John C. Bailar, Jr.
Мозес Гомберг не быв женатый, ани его сестра Соня. Умер в року 1947, его сестра о пару рокы за ним. Свой маеток одказали про фонд подтримкы постградуалных штудий молодых хемикох.Moses Gomberg in Ann Arbor
Новаторскы роботы Своима роботами заклав основу хемии вольных радикалох. В року 1900 объявив ествованя трифенилметилных радикалох. В року 1924 выпрацовав способ зысканя диарилох з ароматичных злученин и солей диазония. Створив первый удачный антифриз про авта.Прохоров А. М., с. 319.
Жередла и одказы Moses Gomberg, 1866-1947. A Biographical Memoir by John C. Bailar, Jr. 1970. National Academy of Sciences. Washington D. C. Прохоров А. М. (гл. ред.). Большой энциклопедический словарь. Москва: Советская энциклопедия, 1993. 1630 с. . Moses Gomberg, American chemist. //Encyclopaedia Britannica Референции
Катеґорія:Хемици