Абауйсолнок, Abaújszolnok — село в регионѣ Сѣверна Мадярщина, при граници з Кошицкым крайом Словакии.
Полога Село лежить в словацко-мадярском пограничу (переход Торньошнимети), еднако, около 40-40 км оддалене од Мишколца и Кошиць. Приступне автобусовов доправов Volánbusz. Найлегшый приступ зо штатной дороги 3 через окружный центер Сиксов по одбочцѣ 2622, котра е и главнов улицьов села.
История Перва упоминка под назвов Zonuk походить з року 1256. Село належало ку историчной жупѣ Абов, Abaúj, што достала назву од немешского рода Аба, одты в назвѣ позднѣйше, подля мадярской традиции появив ся префикс жупы. В часѣ османской окупации село цѣлком спустѣло. а по выслободжѣню в зачатку XVIII. стороча Ференц II. Ракоци населив го Русинами.
Грекокатолицка громада належала спочатку ку Пряшовской епархии, а по часѣ Мишколцскому опатству. В року 1828 поставили перву церкву, а днешня была посвячена в року 1895, на Главосѣкы.Абауйсолнок в Мадярском Католицком Лексиконѣ.
Демография В року 1948 в селѣ зоз 388 обывательох грекокатоликох было: 381 (98%). В еднорочной парохиалной школѣ учили ся 60 дѣтей. В року 1983 зоз 219 обывательох грекокатоликох было: 149 (68%). Подля списованя з року 2001 в селѣ жиють лем Мадяре,A nemzetiségi népesség száma 2001 45% суть грекокатолици, 39% — римокатолици, 6% — реформаты, 2% — иншых конфесий, 8% — атеисты.
Вызнамны родаци Иван Гендер-Суходольскый (1873–1952), писатель, педагог, русинскый сполоченскый дѣятель.
Жерела и одказы
Референции
Катеґорія:Населены пункты Мадярьска