Изото́п, од ισος ровный, еднакый + τόπος мѣсто — еден из двох або вецерох видох атомох (и ядер) даякого хемичного елемента, котры мають еднаке атомове число и занимають тоту исту позицию в периодичной системѣ елементох, а при том мають иншакы масовы числа и физикалны властности. Каждый хемичный елемент мать еден або вецей изотопох.Gregory F. Herzog..
Властности Хемичны властности изотопох едного елемента суть практично еднакы; физикалны властности лем мало ся одличують, напримѣр скорость выпарьованя або дифузии — и якраз тоты одличности выхосновують, коли хочуть выокремити изотопы зоз природной мѣшанкы, про малы одличности тот процес доста компликованый. Напротив, подля своих ядровых властностей (спектер енергетичных уровней, способность вступать в ядерны реакции) изотопы одличують ся радикално.Изотопы.
Выимков з того правила суть легкы елементы, де доданя невтронох ку ядрови так силно вплыне на масу, же значно ся змѣнять физикалны, аж и хемичны властности. Примѣром може быти гидроген, котрого три изотопы з той причины аж и достали окремы назвы: 1H — протий, 2H — дейтерий (ядро — дейтрон),3H — тритий (ядро — тритон).
Означѣня Изотопы ся означують хемичным симболом елемента, перед котрым на сподѣ пишуть атомове число (Z, число протонох), а горѣ — масове число (A, число протонох+невтронох).
Жерела и одказы Изотопы //Прохоров А.М. (гл. ред.): Физическая энциклопедия в 5 томах. — Москва: Большая Российская энциклопедия, 1988-1998. Том 2, 1990. 704 с. . Добротность – Магнитооптика Сс. 125–126. Одчитане: 2020-06-21
Референции
Категория:Ядрова физика