Белянскы Татры, Belianske Tatry; Tatry Bielskie — горске пасмо в Словакии, положене в найвыходнѣйшой части Выходных Татер. Найвысша точка — верх Гавран, 2152 м.н.м.Belianske Tatry
Характеристика Белянскы Татры суть 14 км довгый вапняниковый гребень, котрый ся тяге выходно-западным напрямом, прилѣгаючи перпендикуларно ку сѣверному концьови главного гребеня Высокых Татер. Цѣлый гребень Белянскых Татер неприступный про туристику од року 1978 яко хранена природна зона Татранского народного парку. Точка, в котрой ся стыкать з главным гребеньом Высокых Татер — Копске сѣдло, приступне про туристику. Белянскы Татры ся геологично одличують од Высокых Татер. Тут на горском релиефѣ леднякова чинность ся майже не позначила, але е то вызнамна карстова область, суть ту красны вапняниковы и доломитовы стѣны, яскынѣ, меджи котрыма Белянска яскыня, приступна про туристох. На роздѣл од Высокых Татер, ту богата вегетация, травянисты склоны, меджи цвѣтами ся стрѣчать и шовкова косиця, plesnivec alpínsky, Leontopodium alpinum. Белянскы Татры лежать цѣлком на територии Словакии.
Етимология Назва пасма походить од мѣста Спишска Бела, котрому ту уже в року 1310 належали паствиска.Jozef Gurník
Жерела и одказы Jozef Gurník: Belianske Tatry //Tatry, ročník LVIII., číslo 1, ss. 38–39.
Референции
Катеґорія:Верхы и горскы пасма Словеньска