Иван Мураний, Іван Яношевич Мурані, , Турѣ Реметы, жупа Унг, Мадярске кральовство – , Ужгород, УССР — подкарпатскый педагог и културный дѣятель, грекокатолицкый священик.Василь Пагиря: Зять Івана СільваяІван ПопІван ФекетаХланта І. В.
Биография ПоходжѣняИван Мураний пришов на свѣт в родинѣ Яноша Мурания, офицера австро-мадярского войска, и Гелены Мураниевой, родж. Натолѣ, поповны, чий род походив од младшой сестры Зузаны. ШтудииПо закончѣню Ужгородской гимназии записав ся до Будапештской техничной универзиты (Királyi József Műegyetem), але мусѣв по двох роках штудии лишити через смерть отця, бо мати не стачила за то платити. Закончив Ужгородску духовну семинарию, де штудии были бесплатны, оженив ся з Лауров Силвайовов, дѣвков писателя Ивана Силвая. котрый быв тогды парохом в Реметах. В року 1905 высвяченый на священство. СлужбаСлужив в Нересницѣ Тячовского и Березовѣ Хустского районох. В Нересници родина ся поповнила дѣвками Надѣев и Георгинов, в Березовѣ ещи двома дѣтми: Миколом и Катеринов. 15. януара 1915 передчасно умерла му жена, Лаура, лишивши на него четверо дѣти, з котрых найстарша, Надя, мала лем 6 рокы.Георгіна Мураній-Мейсарош, с. 7.Василь Пагиря: Страсний шлях Георгіни Мураній Од року 1920 переходить на педагогичну роботу в Ужгородѣ яко професор русинского и латинского языка, географии и математикы, спочатку в гимназии , а пак в грекокатолицкой учительской семинарии .Павленко Г. В. Конець животаВ осени року 1944 активну роботу Ивана Мурания перервав приход Червеной армады и зачаток терора карательох НКВД. В новембрѣ 1944 быв безосновно арештованый Иван Гарайда, его близкый приятель, котрый в децембрѣ умер в арештѣ СМЕРШ. Иван Мураний тяжко переживав смерть свого колегы и атмосферу репресий и сериозно ся похворѣв. 2. юла 1945 слѣдовав далшый удар: НКВД заарештовав Александра Мейсароша, зятя Ивана Мурания, мужа его старшой дѣвкы, Георгины, головного лѣсового инженера Народной рады Закарпатской Украины. Такой по его арештѣ были конфишкованы без всякого документа и описа цѣнности, котры упали в око карателям, а в наступны днѣ, ещи задовго до суда, его родину выселили з бываня, на котре уже чекав новойменованый совѣтскый урядник.Георгіна Мураній-Мейсарош, с. 11. Поводом арешта быв выказ, котрый на него подали его неприятеле питляци, же ходив до лѣса, де ся скрывали партизаны, з пушков. Хоть в тых часах было нормов, же лѣсник ходив до лѣса з пушков, того выказа было доста, жебы 5. новембра 1945 суд дав 8 рокы лагра з наступным 5-рочным оклѣщеньом прав, кебы по року тот не умер.Георгіна Мураній-Мейсарош, с. 12. 28. октобра 1945, хворый од того вшиткого, Иван Мураний умер. Быв погребеный на теметовѣ ужгородского замка. Теметов быв знищеный в року 1965, коли на его мѣстѣ розложив ся музей народной архитектуры и живота. По смерти Ивана Мурания были репресованы его дѣти Микола и Георгина, а его домашный архив конфишковали и, як ся поважуе, знищили. Имя Ивана Мурания в совѣтской добѣ ся замовчовало.
Творба Иван Мураний попри педагогичной роботѣ быв автором математичных научных робот, зашто быв выбраный дописным членом Мадярской академии наук, сполупрацовав в той области з парижсков Сорбоннов. Быв сполуавтором учебника математикы и автором учебника Астрономия (1933). В рукопису зостав его учебник русинской граматикы, котрый быв хоснованый в гимназии и з котрым были обознамлены его ученици, але тот рукопис ся стратив.
В 1940. рр. активно выступовав з литературныма публикациями в журналѣ Литературна недѣля, де в роках появив 19 проз, поуживав тыж псевдоним Иван Бростяник, з вариантами, напр. криптонимы И. Б., Б. И. Окремыма брожурами вышли исторична пьеса Тарасович о заводжаню церковной унии меджи Русинами, комедия в трьох дѣйствах Тестамент (обѣ 1936), прозовы зберькы Оповѣданя и байки (1941), Давнѣ дяки та иншѣ оповѣданя (1943), переклад пьесы Живот и смерть короля Ричарда ІІІ-го (1942). В розличных периодиках опубликовав статѣ на темы педагогичны, мемуарны, литературно-критичны, языковы.
Жерела и одказы Георгіна Мураній-Мейсарош: Потім не спомяне нас ніхто... Ужгород: Ґражда, 2002 Павленко Г. В.: Діячі історії, науки і культури Закарпаття. Малий енциклопедичний словник. Ужгород, 1999. Сс. 124–125. Василь Пагиря: Зять Івана Сільвая //Карпатський край. 1996, №5–7 (114), с. 62. Василь Пагиря: Страсний шлях Георгіни Мураній //Карпатський край. 1996, №5–7 (114), с. 63. Іван Поп: Мураній Іван // Сс. 522–523. Іван Фекета: Учитель у спогадах учнів //Карпатський край. 1996, №5–7 (114), сс. 60–61. Хланта І. В.: Мурані Іван Іванович С. 223.
Референции
Катеґорія:Русиньскы педаґоґы Катеґорія:Русиньскы писателї