Графома́ния, од γράφω писати, зображовати + μανία страсть, пасия, шал — надмѣрне усилованя ку многописательству, продукции литературы, ашпируючой на публикацию в литературных выданях, псевдонаучных елаборатох и тому подобного. Графоман годен продуковати «научны роботы» в областях, до которых ся не розумѣе, писати белетрию при повной абсенции всякых творчых здалостей и вызнаня од читателей.Махов А. Е. Написане графоманами звекша баналне, аж и збавлене смысла и негораздне обсягом.Жмуров В. А.
Психологичны патологии Графомания годна взникнути про розличны причины, еднов из найчастых звыкла быти, ачей, гиперкомпензация комплекса меншевартости, а порѣдко— перечутя надцѣнной аж маниакалной идеи стотожньованя себе с великым писательом. Даколи ся трафляють пациенты зоз синдромом Кандинского-Клерамбо, котры мусять, як они самы кажуть, вельо писати под вплывом якойсь то вонкашной силы.
Интересны факты Геббелс, гирешный министер пропаганды третього райха в часѣ Другой свѣтовой войны написав на машинцѣ 15000 сторон доста тенденчных текстох, втайнѣ ся надѣючи, видав, на роль главного историографа той войны. Не мог ся застановити в своем писаню аж до конця колективного самогубства, доконченого въедно з женов и шѣстьма дѣтми. Нѣмецкый поет Фридрих Рюккерт под вплывом стреса од смерти своих дѣти в року 1834 написав цикл зоз 428 поезий, што было, очевидно, автотерапевтичным процесом.
Жерела и одказы Жмуров В. А.: Графомания //Большая энциклопедия по психиатрии, 2-е изд. (online) Махов А. Е.: Графомания // Литературная энциклопедия терминов и понятий / Под ред. А. Н. Николюкина. — Институт научной информации по общественным наукам РАН: Интелвак, 2001. — Стб. 187 — 1596 с. — .
Референции
Категория:Псіхолоґія Категория:Писателї