И́горь Еммануи́лович Гра́барь (, ; , Будапешт, Мадярске кральовство – †16. май 1960, Москва, СССР) — русинского походжѣня российскый и совѣтскый академичный малярь, историк умѣня, рештавратор, педагог.Бутырский М. Н.Иван ПопРАН

Обдарованый приходник з Угорской Руси на немале зачудованя окружѣня успѣшно реализовав свои природны даности. Став ся вызнамным малярьом, умѣлствознательом, умѣлецкым критиком, рештавратором, педагогом, музейником, прекрасным организатором, аж и архитектором. По добу такой шѣстьдесятьох рокох он, вдякы свому енергичному темпераменту, быв едным з найактивнѣйшых участникох и проводцьох умѣлецкого живота СССР.Старатель

Биография Походжѣня Походив з православной родины русинского сполоченского дѣятеля Еммануила Грабаря, выбраного концьом за посланця до мадярского парламента. Дѣдом Грабаря по материнской линии быв Адолф Добрянскый, вызнамный дѣятель русофилской ориентации в Угорской Руси, а од року 1881 в Галиции. Мати Игоря Грабаря, Олга Грабарь, тыж провадила прорусску просвѣтну чинность в Галиции. Неодовго по роджѣню сына Олга Грабарь з дѣтми одышла в маеток отця Чертеж в Земплинѣ, Угорска Русь, де перейшли дѣточы рокы Игоря. Дѣдо Адолф любив повѣдати внукови о гениалном русском царьови и о славном русском войску в Мадярщинѣ.Игорь Грабарь

Штудии В року 1880 Игоря Грабаря вывезли учити ся на гимназии до России в Егорьевск Рязанской губернии, де его отець, уже скорше емигровавшый (1876), служив професором нѣмецкого и французского языкох. В року 1882 в его животѣ настали великы перемѣны. Были арештованы дѣдо и мати, обвинены з державной зрады, зашто им грозила кара смерти. В резултатѣ голосного львовского процеса (12. юн – 29. юл) были они оправданы, але дѣдови было заборонено бывати в его земплинском маетку и одышов навсе до Австрии, а мати з дѣтми — навсе до России. Тот процес им зробив велику славу и честь в России и могли жадати, што хотѣли. Эммануил Грабарь попросив мѣсто гимназиалного професора на югу России и достав го в Измаилу, а Игорь Грабарь достав можность безплатно штудовати и на штатной штипендии абсолвовав престижный московскый Лицей цѣсаревича Николая (Катковскый лицей, , де еден рок штудий коштовав 1000 рубли, а де ся учили дѣти генералох и министрох. Дале выштудовав право на Санкт-Петербургской универзитѣ . Едночасно слухав лекции на историко-филологичной факултѣ. В тых роках научив ся сам заробляти собы на прожиток: по универзитных годинах вечерами писав гумористичны тексты и рисовав илустрации про часописы. В року 1894 быв приятый до Императорской Академии умѣня. Тымчасом часопис Нива финанцовав его вандровку по Европѣ вымѣнов за статьи и вѣстѣ з европского културного живота, котры завязав ся им посылати. В роках вандруе по Европѣ и од року 1896 штудуе в мюнхенской приватной школѣ Антона Ажбе. В року 1898 створило ся стоваришѣня Свѣт умѣня, Мир искусства, што мало ровнойменный часопис и стало в центрѣ бойованя, раздѣлившого российскых малярьох на ворожы групы. Грабарь став ся членом нового стоваришѣня, зачав публикацию серии статей Письма из Мюнхена, скоро добыв собѣ репутацию знаменитого критика-есеиста, чии погляды и оцѣнкы выникали точностьов и оригиналностьов.

Историк умѣня, музейник, педагог Вернувши ся до России, материализовав свои идеи постимпресионизма в краинном малярствѣ, став ся поетом российской зимы, выступовав як авторитетный историк и теоретик умѣня. В року 1913 быв выбраный на пост куратора (фактично: директора) Третьяковской галерии, де зоставав до року 1925. В роках склав перву Историю российского умѣня.

В роках переставив експозицию Третьяковской галерии подля историчного принципу, вылѣпшив инвентуру и выдав первый научный каталог галерии (1917), што дозволило галерею перетворити на музей европского типа. Од року 1921 — професор МГУ, читав курз лекций о научной рештаврации штудентам истории умѣня. Од року 1930 достав велику, подля его слов, особну пензию од влады (Совнаркома), лишив вшиткы административны функции и зачав писати мемоары. В року 1937 выдав мемуары и вернув ся ку сполоченской чинности: директор Московского штатного умѣлецкого инштитута им. В. А. Сурикова ; директор Инштитута малярства, скулптуры и архитектуры Всероссийской академии умѣнь в Ленинградѣ ; научный ведучый обродженых рештаврачных майстерень (по часѣ Всесоюзный умѣлецко-научный рештаврачный центер ; директор Научно-выгледовного инштитута истории умѣня АН СССР . Честны титулыКудрицкий А.В. 1943 — повный член АН СССР 1947 — член Академии умѣнь СССР 1956 — Народный малярь СССР

Интересны факты Граба́рь в бѣлорусчинѣ и русчинѣ — ото кубикаш. Зачатком септембра 1908 на спочивку в Адлерѣ хыжны увидѣли, же мать при собѣ ; Игорь Грабарь быв нападеный у снѣ, рано го найшли з розбитов головов, дохторы казали спочатку, же не буде жити, пак же не буде ходити, а Грабарь на труц и выжив, и ходив, и мальовав ещи .Моя жизнь, 1937, 221–222 В року 1933 намальовав портрет доспѣлой дѣвкы, подписаный Светлана, споминаный ай в его мемоарах, што ся став барз популарный, а шепкало ся, же то портрет дѣвкы Сталина; але тота была ещи лем . В року 1943 Игорь Грабарь даровав 70 тысяч рублѣ на фонд обороны, о том писала новинка Известия, 26.01.1943. Игорь Грабарь нигда не быв ограниченый в его вандрованю и походив и Европу, и Америку, але отцюзнину своих предкох навщивив лем раз: в року 1955 и подаровав Ужгородскому музею 26 образы и 24 рисункы.

Жерела и одказы Бутырский М. Н.: Грабарь Игорь Эммануилович // . — М. : Церковно-научный центр «Православная энциклопедия», 2006. — Т. XII. — Сc. 246–247. — 752 с. — Верзия: 9 июня 2011; одчитане: 2021-03-25

Кудрицкий А.В. и др. (ред.): Украинский советский энциклопедический словарь в трех томах. / Главная редакция Украинской Советской Энциклопедии им. М.П. Бажана. К., 1988. Том 1. с. 456 Александр Лабас: Воспоминания о современниках / Игорь Грабарь. Одчитане 2021-03-25 Иван Поп: Грабарь Игорь Эммануилович //Поп, Иван. Энциклопедия Подкарпатской Руси. — Ужгород: Изд-во В. Падяка, 2001. — 431 с. Сc. 142–143 Профил Игоря Эммануиловича Грабаря на официалном сайтѣ РАН Грабарь Игорь Эммануилович на сайтѣ Старатель

Референции

Категория:Вытварници Категория:Педаґоґы