Мария Домбровска, роджена Ленерт, найвеце позната подля литературного псевда Марийка Подгорянка, Марійка Підгірянка, *, Бѣлы Ославы, Станиславовске воеводство, Австро-Мадярщина – , Рудно, УССР — украинска дѣтска поетка и учителька.Оксана НахлікИ. Поп
Биография Штудии Закончила двокласну школу в Уторопах (1889), склала екстерно испыты за 8-класну школу (1896) и за Львовску учительску семинарию (1900) и так зыскала атестацию учителькы народной школы.
Учительованя Учительовала в селах Галичины. В часѣ Первой свѣтовой войны одышла на австрийскы землѣ монархии, учила дѣти в лаграх бѣженцьох з Галичины. В року 1919 въедно з иншыма учителями з лагрох, боячи ся вертати до Поляками заятой Галичины, осѣла в Подкарпатской Руси. Працовала як учителька в школах сел Зарѣчово, Порошково, як домашна учителька внукох украинского писателя Ивана Франка в Довгом, де жила его дѣвка. Коли в року 1929 была обвинена з античехословацкой агитации и выказана з краю, вернула ся до Галичины, де дале была учительков. В роках 1937–1940 — директорка Братишовской школы.
Родина В року 1905 Мария Ленерт повѣнчала ся в уторопской церкви з Августином Домбровскым, тыж учительом.У. Книш Мали четверо дѣти: Остап, Роман, Маркиян, Даря.
Творба Тринадцятьрочна Марийка зачинать складовати свои вершы. Спочатку по польскы, а од року 1896, коли первый раз прочитала Шевченка, зачала писати по украинскы. В року 1902 написала верш Ой, не нам в кайданах жити, з котрым собѣ зыскала славу и быв то первый верш, подписаный псевдонимом Марийка Подгорянка.
В року 1940 тяжка травма на довгый час поклала поетку до постели. Лем по 10 роках могла ся вернути до литературной творчости. В року 1960 стала ся членков Сполку писательох Украины. В року 1962 вышла ей остатна приживотна зберка «Гірські квіти». В совѣтской добѣ оспѣвовала розцвѣт родного края.Кудрицкий А. В.
Интересны факты Марийка Подгорянка за отцьом была Нѣмкеня, писати зачала по польскы, а пак стала ся украинсков патриотков под вплывом прочитаного Шевченка. Верш Ой не нам в кайданах жити (1902), з котрым зыскала собѣ славу, доста подобный на верш Ивана Франка Не пора, не пора, не пора (1880). Подкарпатску Русь, де Мария Домбровска учительовала в роках 1919–1929, не поважовала за споконвѣчну украинску землю, бо зберку своих тамтешных верши назвала НА ЧУЖИНІ.Сайт МАРІЙКА ПІДГІРЯНКА
Жерела и одказы
Кудрицкий А. В. и др. (ред.): Украинский советский энциклопедический словарь в трех томах. / Главная редакция Украинской Советской Энциклопедии им. М.П.Бажана. К., 1988. Том2. С.673. Оксана Нахлік: Підгірянка Марійка //Шевченківська енциклопедія: — Т.5:Пе—С : у 6т. / Гол. ред. М.Г.Жулинський.. — Київ : Ін-т літератури ім. , 2015. — И. Поп: Пидгирянка Марийка //Поп, Иван. Энциклопедия Подкарпатской Руси. — Ужгород: Изд-во В. Падяка, 2001. — 431 с. С.302
Референции
Категория:Украинскы поеты Катеґорія:Педаґоґы