Giorgia Meloni , ye una política italiana d'ultraderecha, presidenta del partíu Hermanos d'Italia (FdI) y presidenta del Conseyu de Ministros d'Italia dende'l 22 d'ochobre de 2022. Ye la primer muyer de la historia n'ocupar la xefatura del Gobiernu italianu.Curriculum vitae - Giorgia Meloni , Presidenza del Consiglio dei Ministri. Hermanos d'Italia ye un partíu d'ultraderecha con raigaños nel Movimientu Social Italianu, formación neofascista creada tres la Segunda Guerra Mundial.Italian leader tones down divisive rhetoric but carries on with pursuit of far-right agenda, Associated Press, 19 d'abril de 2023.
Meloni empezó la so actividá política con quince años nel Fronte della Gioventù, organización xuvenil del Movimientu Social Italianu, y posteriormente militó n'Alleanza Nazionale. En 1998 foi escoyida conseyera de la provincia de Roma y en 2006 entró na Cámara de Diputaos d'Italia. Ente 2008 y 2011 foi ministra de la Mocedá nel cuartu gobiernu de Silvio Berlusconi, convirtiéndose, con 31 años, nuna de les persones más nueves n'ocupar un ministeriu na historia de la República Italiana.
En 2012 participó na fundación de Hermanos d'Italia y convirtióse na presidenta del partíu en 2014. Baxo'l so lideralgu la formación pasó de recibir menos del 2 % de los votos nes elecciones de 2013 a ser la fuerza más votada nes eleiciones xenerales d'Italia de 2022, con alredor del 26 %. Tres estes elecciones, Meloni formó un gobiernu de coalición con la Liga y Forza Italia. La so trayectoria política carauterízase por posiciones nacionalistes, conservadores y contraries a la inmigración irregular, amás de por una defensa de valores familiares tradicionales. Pese a los sos oríxenes políticos na ultraderecha y a la caracterización internacional de Hermanos d'Italia como formación d'ultraderecha, dende la llegada al gobiernu adoptó posiciones más pragmátiques en dellos ámbitos, especialmente na Xunión Europea, la OTAN y el sofitu a Ucraína frente a la invasión rusa.Once ostracised, Italy's Meloni is now centre stage in Europe, Reuters, 29 de mayu de 2024.
Como presidenta del Conseyu de Ministros impulsó polítiques más restrictives en materia d'inmigración, seguridá y orde públicu, reformó les prestaciones sociales y defendió cambios constitucionales destinaos a reforzar la estabilidá de los gobiernos. Nel planu esterior mantuvo una orientación atlantista y el sofitu militar a Ucraína. En setiembre de 2026 el so executivu convirtióse nel gobiernu italianu de mayor duración ininterrumpida dende la proclamación de la República, superando'l segundu gobiernu de Silvio Berlusconi.Marking record tenure, Meloni hails Italy's turn to stability, Reuters, 4 de setiembre de 2026.
Referencies
Enllaces esternos
Categoría:Políticos d'Italia Categoría:Primeros ministros d'Italia Categoría:Políticos d'ultraderecha Categoría:Nacíos en 1977