«Марксісцкая» () — станцыя Калінінскай лініі Маскоўскага метрапалітэна. Звязана перасадкамі з двума станцыямі «Таганская», адна з якіх размяшчаецца на Кальцавой лініі, а іншая — на Таганска-Краснапрэсненскай. Размешчана ў Таганскім раёне (ЦАА). Адкрыта 30 снежня 1979 года ў складзе ўчастка «Марксісцкая» — «Навагірэева». Калонная трохзводчатая станцыя глыбокага залажэння з адной астраўной платформай, на момант адкрыцця з’яўлялася самай глыбокай у Маскоўскім метро.
Гісторыя і паходжанне назвы Адкрыта 30 снежня 1979 года ў складзе ўчастка «Марксісцкая» — «Навагірэева», пасля ўводу ў эксплуатацыю якога ў Маскоўскім метрапалітэне налічвалася 114 станцый. Названа ад аднайменнай вуліцы.
У 1991 годзе было прапанавана перайменаваць станцыю ў «Варанцоўскую», аднак гэта не было ажыццёўлена. Годам пазней таксама не было ажыццёўлена перайменаванне станцыі ў «Ганчарную», як яе прапаноўвалася назваць па размешчанай недалёка вуліцы, якая сканчаецца на Таганскай плошчы.
Катэгорыя:Станцыі Маскоўскага метрапалітэна Катэгорыя:Станцыі метрапалітэна паводле алфавіта