Ахмед Хусейн аш-Шараа, таксама вядомы пад псеўданімам Абу Мухамад аль-Джулані / Галані (, ; ) — палітык-ісламіст і дзеяч джыхадзісцкага руху, пасля падзення рэжыма Башара Асада абвешчаны прэзідэнтам Сірыі на пераходны перыяд (са студзеня 2025 года).
Біяграфія Пры нараджэнні быў названы Ахмадам Хусейнам аш-Шам. Браў удзел у Іракскай вайне на баку ІДІ, пазней стаў адным з лідараў тэрарыстычнай арганізацыі Джэбхат ан-Нусра ў Сірыі, якая затым была перайменаваная ў Хаят Тахрыр аш-Шам.
Яго бацька быў работнікам нафтавай прамысловасці, напісаў некалькі кніг па нафтаздабычы і нафтараспрацоўкі. Маці была настаўнікам геаграфіі. Шам вывучаў СМІ і медыя ва Універсітэце Дамаска. Калі пачалася Іракская вайна, ён кінуў вучобу і адправіўся на дапамогу джыхадзістам у Ірак. Быў паплечнікам Абу Мусаб аз-Заркаві. Быў арыштаваны амерыканцамі і змешчаны ў лагер Кэмп-Букій. Вызваліўся ў 2008 годзе. Стаў адным з членаў групоўкі Ісламская дзяржава Ірак.
У 2011 годзе, з пачаткам грамадзянскай вайны ў Сірыі, кіраўніцтва Ісламскай дзяржавы Ірак вырашае пачаць экспансію ў Сірыю, і пасылае туды аль-Джулані, для арганізацыі даччынай структуры ў Сірыі. Новая групоўка была створана 23 студзеня 2012 года і адразу ж стала галоўнай рухаючай сілай сярод ісламістаў у Сірыі. Група стала паспяхова адціскаць часці сірыйскай арабскай арміі.
У 2024 годзе быў адным з кіраўнікоў наступлення сірыйскай апазіцыі, якое скончылася звяржэннем урада. Са сжежня 2024 года стаў фактычным кіраўніком краіны. 29 студзеня 2025 года абвешчаны прэзідэнтам на пераходны перыяд.
Зноскі
Спасылкі Abu Muhammad al-Golani Counter Extremism Project profile
Катэгорыя:Ваенныя злачынцы Катэгорыя:Члены Аль-Каіды Катэгорыя:Прэзідэнты Сірыі Катэгорыя:Дзеючыя кіраўнікі дзяржаў