«Полацк — геаграфічны цэнтр Еўропы» — помнік у Полацку. Знаходзіцца ў скверы на праспекце Францыска Скарыны.
Гісторыя Помнік «Полацк — геаграфічны цэнтр Еўропы» быў урачыста прэзентаваны жыхарам і гасцям горада 31 мая 2008 года ў рамках святкавання Дня горада. Аўтарамі памятнага знака з’яўляюцца архітэктар Іван Баравік і скульптар Аляксандр Прохараў.
Апісанне помніка У падмурку скульптурнай кампазіцыі знаходзіцца ружа вятроў з пазначэннем бакоў свету. На наступным узроўні паказана Паўночнае паўшар’е зямлі. Тут разгорнута карта Еўропы, з вызначэннем яе цэнтра. Сімвалічныя дугі-мерыдыяны ўпрыгожаны гербавай адзнакай Полацка — трохмачтавым караблікам, які пераадолеў нямала перашкод на шляху «з варагаў у грэкі». Надпіс «Геаграфічны цэнтр Еўропы» перакладзены на пяць моў: з поўначы — надпіс на шведскай мове, з усходу — на рускай, з поўдня — на грэчаскай, з захаду — на англійскай і па крузе — на беларускай. Акрамя таго, на спецыяльных таблічках пазначаны каардынаты крайніх кропак Еўропы і яе цэнтраПомнік «Полацк — геаграфічны цэнтр Еўропы».
Літаратура Богдасаров, А. Центр культурный и географический / А. Богдасаров // Рэспубліка. — 2012. — 26 мая. — С. 5. Каленик, Е. В центре всех событий / Е. Каленик // Полацкі веснік. — 2008. — 4 чэрв. — С. 3. Сыс, Е. Прописка — центр Европы / Е. Сыс // Віцебскі рабочы. — 2009. — 5 мая. — С. 6. Сыс, Е. Особый статус / Е. Сыс // Віцебскі рабочы. — 2012. — 22 мая. — С. 2.
Катэгорыя:Помнікі Полацка Катэгорыя:З’явіліся ў 2008 годзе Катэгорыя:2008 год у Полацку Катэгорыя:Праспект Францыска Скарыны (Полацк) Катэгорыя:Творы Аляксандра Прохарава