Медаль «Удзельніку ваеннай аперацыі ў Сірыі» () — ведамасная ўзнагарода Міністэрства абароны Расійскай Федэрацыі для вайскоўцаў і грамадзянскіх асоб, якія так ці інакш праявілі сябе ў рамках ваеннай місіі ў Сірыі.
Гісторыя thumb|Былы дызайн узнагароды (да снежня 2017). Медаль быў заснаваны загадам Міністра абароны Расійскай Федэрацыі ад 30 лістапада 2015 г. № 732, у самы першы дзень аперацыі.
28 сакавіка 2016 года стала вядома, што Міністэрства абароны аб’явіла тэндэр на выраб 10 300 медалёў «Удзельніку ваеннай аперацыі ў Сірыі».
14 снежня 2017 года міністр абароны РФ быў выдадзены загад № 777 «Аб ведамасных знаках адрознення Міністэрства абароны Расійскай Федэрацыі». Згодна з загадам, медаль «Удзельніку ваеннай аперацыі ў Сірыі» быў захаваны ў новай сістэме ведамасных узнагарод, і заняў у ёй самае апошняе, восьмае месца па значнасці, пасля медаля «Міхаіл Калашнікаў». Разам з тым стужка медалі пацярпела змены — у цэнтр стужкі была дададзена яшчэ адна чорная паласа шырынёй 2 мм.
Палажэнне аб медалі Медалём узнагароджваюцца вайскоўцы і асобы грамадзянскага персаналу Узброеных Сіл Расійскай Федэрацыі: за адрозненні, адвагу і самаадданасць, праяўленыя падчас ваеннай аперацыі ў Сірыйскай Арабскай Рэспубліцы; за паспяховае кіраўніцтва дзеяннямі пры правядзенні ваеннай аперацыі ў Сірыйскай Арабскай Рэспубліцы; за самаадданую працу і вялікі асабісты ўклад у выкананне задач ваеннай аперацыі ў Сірыйскай Арабскай Рэспубліцы. Медалём могуць узнагароджвацца таксама іншыя грамадзяне (нават замежныя) за садзейнічанне ў вырашэнні задач, ускладзеных на УС РФ пры правядзенні ваеннай аперацыі ў Сірыі.
Медаль (стужка медалі) носіцца на левым боку грудзей i пры наяўнасцi iншых медалёў размяшчаецца пасля медаля «Міхаіл Калашнікаў».
Апісанне
Медаль вырабляецца з металу залацістага колеру ў форме круга дыяметрам 32 мм з выпуклым борцікам з абодвух бакоў.
На вонкавым боку медаля: рэльефны аднакаляровы малюнак ваеннай тэхнікі: зверху — трох знішчальнікаў, знізу — ракетнага карабля на контуры межаў Сірыі.
На адваротным боку медаля: у цэнтры зверху — рэльефны аднакаляровы малюнак эмблемы Міністэрства абароны РФ (увянчаны каронай двухгаловы арол з распасцёртымі крыламі. У правай лапе арла — меч, у левай — дубовы вянок. На грудзях арла — трохкутны, выцягнуты дадолу шчыт са штокам, узыходзячым да кароны. У полі шчыта — вершнік, які б’е дзідай цмока), пад ёй — рэльефны надпіс у чатыры радкі «Удзельніку ваеннай аперацыі ў Сірыі», па крузе — рэльефны надпіс: у верхняй частцы — «Міністэрства абароны», у ніжняй частцы — «Расійскай Федэрацыі».
Медаль пры дапамозе вушка i кальца злучаецца з пяцiвугольнай калодкай, абцягнутай шаўковай муаравай стужкай шырынёй 24 мм. З правага краю стужкі аранжавая паласа шырынёй 8 мм, абрамлены двума чорнымі палосамі шырынёй 2 мм (сімвалізуючы Георгіеўскую стужку), лявей — роўнавялікія, чырвоная, белая і чорная паласы (сімвалізуючы Сцяг Сірыі).
Гл. таксама Медаль «За вызваленне Пальміры» Медаль «За размініраванне Пальміры»
Спасылкі Порядок размещения государственных наград, ведомственных знаков отличия и иных геральдических знаков на военной форме одежды военнослужащих (с учётом пункта 78 раздела VI приложения 1 к приказу Министра обороны России от 22 июня 2015 г. № 300 и приказа Министра обороны РФ от 07.02.2017 г. № 89)
Интернет-магазины продают медали «Участнику военной операции в Сирии» / «Новости» — 4 канал
Катэгорыя:Ваенная аперацыя Расіі ў Сірыі Катэгорыя:Ведамасныя ўзнагароды Расійскай Федэрацыі Катэгорыя:З’явіліся ў 2015 годзе Катэгорыя:Узнагароды паводле алфавіта