Катастрофа Ан-26 пад Чугуевам — авіяцыйная катастрофа, якая адбылася 25 верасня 2020 года ў ваколіцах Харкава з ваенным самалётам Ан-26Ш 203-й вучэбнай авіяцыйнай брыгады падчас навучальнага палёту. Пасля аварыі з 27 чалавек, якія знаходзіліся на борце, загінулі 26 чалавек і выжыў 1.
26 верасня абвешчаны агульнанацыянальным днём жалобы ва Украіне.
Самалёт Самалёт Ан-26Ш (бартавы нумар 76, серыйны нумар 56-08, выпушчаны 21 кастрычніка 1977 года) меў налёт 5985 гадзін і здзейсніў 3450 пасадак. У ліпені 1996 года ён быў адрамантаваны на Кіеўскім авіярамонтным заводзе. З моманту рамонту ён налятаў 1800 гадзін і здзейсніў 2160 пасадак. Для самалётаў гэтага тыпу гранічны тэрмін службы ўстаноўлены ў 20 000 лётных гадзін і 14 000 пасадак. У жніўні 2020 года пад кіраўніцтвам спецыялістаў «Антонава» тэрмін службы быў падоўжаны да 21 чэрвеня 2022 года, а наступны капітальны рамонт запланаваны на ліпень 2022 года.
На самалёце былі ўсталяваныя аднавальныя турбавінтавыя рухавікі АІ-24ВТ. Тэрмін службы правага рухавіка (выпушчаны ў чацвёртым квартале 1974 года) да чарговага рамонту мінаў 11 кастрычніка 2020 года, а левага (выпушчаны ў снежні 1977 года) — да 5 чэрвеня 2021 года.
Пасажыры На борце знаходзіліся курсанты 2-га (12 чалавек) і 4-га (8 чалавек) курсаў Харкаўскага ўніверсітэта імя Івана Кажадуба ВПС Украіны.
Катастрофа Увечары 25 верасня Ан-26 выконваў вучэбна-трэніровачны палёт. Каля 20:45 МСК самалёт упаў паблізу горада Чугуева ў 2 кіламетрах ад ваеннага аэрадрома.
Адзін з курсантаў паспеў выскачыць з самалёта. Раніцай 26 верасня стала вядома, што ён памёр у бальніцы. Адзіны выжылы (Вячаслаў Залачэўскі 2000 г. н.) знаходзіўся ў стане сярэдняй цяжкасці. Па факце здарэння распачатая крымінальная справа аб парушэнні правілаў палётаў і падрыхтоўкі да іх, якое пацягнула за сабой катастрофу і цяжкія наступствы (артыкул 416 КК Украіны).
Прычына Кіраўнік адміністрацыі Харкаўскай вобласці Аляксей Кучар паведаміў, што незадоўга да крушэння пілот перадаў паведамленне аб адмове левага рухавіка. Следчыя разглядалі чатыры версіі крушэння лайнера, у тым ліку тэхнічную няспраўнасць, неналежнае тэхнічнае абслугоўванне лайнера, а таксама памылку экіпажа або авіядыспетчараў.
Прэзідэнт Уладзімір Зяленскі даручыў стварыць камісію для расследавання абставінаў катастрофы, якую ўзначаліць віцэ-прэм’ер Алег Урускі.
Дасудовае расследаванне высветліла, што ваенныя асобы дапусцілі парушэнні ў падрыхтоўцы і эксплуатацыі, якія мелі сістэмны характар. Кіраўніцтва палётамі не прыняло адэкватных мер для пазбягання катастрофы. Па артыкулам 416, ч.3, і 425 КК Украіны абвінавачаны 6 вайскоўцаў: камандуючы ВПС Украіны Сяргей Драздоў, начальнік Харкаўскага нацыянальнага ўніверсітэта паветраных сіл імя Івана Кажадуба, камандзір в/ч А-4104 і два яго намеснікі, кіраўнік палётаўАвиакатастрофа Ан-26 под Харьковом: расследование завершено. Мой Харьков Инфо, 06.05.2021ГБР установило причины авиакатастрофы самолета Ан-26Ш в Чугуеве. Мой Харьков Инфо, 13.05.2021.
Заўвагі
Катэгорыя:Катастрофы 2020 года Катэгорыя:Падзеі 25 верасня Катэгорыя:Верасень 2020 года Катэгорыя:2020 год ва Украіне