Яўген Міхайлавіч Цішчанка (, Гродна — ) — беларускі ўрач, гісторык медыцыны. Доктар медыцынскіх навук (2004), прафесар (2005). Член Міжнароднай канфедэрацыі гісторыкаў медыцыны СНД (2003), Беларускага таварыства гісторыі медыцыны і фармацыі (1995), Беларускага грамадскага аб’яднання арганізатараў аховы здароўя (2000), Польскага таварыства гісторыкаў медыцыны і фармацыі (1997).
Біяграфія Скончыў Гродзенскі дзяржаўны медыцынскі інстытут па спецыяльнасці «Лячэбная справа» ў 1983 годзе.
Працаваў у Гродзенскім дзяржаўным медыцынскім універсітэце (з 1983, медыка-дыягнастычны факультэт, кафедра грамадскага здароўя і аховы здароўя, у 2002—2005 і з 2013 — загадчык кафедры, 2008—2013 — дэкан факультэта, 2000 — прарэктар універсітэта па выхаваўчай рабоце).
Навуковыя інтарэсы: гісторыя медыцыны; гісторыя медыцыны Беларусі; грамадскае здароўе; ахова здароўя; медыцынская адукацыя.
Узнагароды Ганаровая грамата Міністэрства аховы здароўя Рэспублікі Беларусь і Беларускага рэспубліканскага прафсаюза работнікаў аховы здароўя (2008).
Літаратура
Тищенко Евгений Михайлович // Республика Беларусь : энциклопедия : [в 7 т.]. — Минск, 2008. — Т. 7. — С. 227. Тищенко Евгений Михайлович // Регионы Беларуси : энциклопедия : 7 т. — Минск, 2015. — Т. 4 : Гродненская область : в 2 кн., кн. 2. — С. 418. История здравоохранения Белоруссии в ХХ веке : диссертация … доктора медицинских наук : 07.00.10: защищена 24.01.2002 : утверждена 05.07.2004 / Тищенко Евгений Михайлович. — Москва, 2001. Евгений Михайлович Тищенко : биобиблиографический указатель : к 50-летию со дня рождения / Гродненский государственный медицинский университет; [составители: Е. С. Волкова, Е. А. Гирза]. — Гродно, 2010.
Катэгорыя:Дэканы медыка-дыягнастычнага факультэта ГрДМУ Катэгорыя:Гісторыкі медыцыны Катэгорыя:Медыкі Беларусі