Міхаіл Якубік (, в. Чучавічы , Лунінецкі павет — , Лодзь, Польшча) — брыгадны генерал Войска Польскага.
Біяграфія У 1925—1931 годзе быў вучнем прыватнай гімназіі ў горадзе Лунінцы. У 1935—1938 гадах адбываў вайсковую тэрміновую службу ў 4-м лётным палку ля горада Торунь (Польшча), на працягу якой у 1937 годзе скончыў курс пілатажу на самалёце «РВД-8». У 1943 годзе скончыў школу танкавых войск імя Пушкіна ў г. Рыбінск (РСФСР). З мая па ліпень 1943 года быў унтэр-афіцэрам інструктарам у 1-ым Варшаўскім танкавым палку. Са снежня 1943 года нёс службу ў 1-ым авіяцыйна-знішчальным палку «Варшава», займаў чарговыя пасады: пілота, старшага пілота, камандзіра звяна, намесніка камандзіра 3-яй эскадрыллі па-палітычна выхаваўчай частцы (ад 29 верасня 1944 года), намеснікам камандзіра палка па-палітычна-выхаваўчай частцы (ад 1-га студзеня 1945 да чэрвеня 1946 года). Прымаў удзел у баявых вылетах авіяцыі 1-ай Арміі Войска Польскага ад Варшавы да Берліна.
8 кастрычніка 1953 года было прысвоена званне «Брыгадны генерал».
Пахаваны на вайсковых могілках у Павознках на Алеі Славы ў Варшаве.
Узнагароды Сярэбраны медаль «Заслужаным на полі Брані» (Славы) (1944) Ордэн «Залаты Крыж Заслугі» Ордэн «Вялікая Айчынная вайна 1941—1945 гг.» (СССР) (1945) Ордэн "Рыцарскі Крыж адраджэння Польшчы"4-й ступені (1945) Ордэн «Крыж Храбрых» (1946) Медаль «10-годдзе заваявання Незалежнасці Польшчы» Ордэн «Рыцарскі Крыж Адраджэння Польшчы» (1958) Ордэн «Працоўны Сцяг» I I-й ступені (1964)
Літаратура Gen. bryg. pil. Michał Jakubik (1914—1966) — Wojskowy Przegląd Historyczny Nr 4 (40), Warszawa 1966, s. 365, 366 Janusz Królikowski, Generałowie i admirałowie Wojska Polskiego 1943—1990 t. II:I-M, Toruń 2010 «Памяць. Лунінецкі раён», Мінск, «БЕЛАРУСЬ» , 1995 г.