Чарлз Генры Тайлер Таўнсенд (; 5 снежня 1863 — 17 сакавіка 1944) — амерыканскі энтамолаг, які спецыялізаваўся на тахінах. Працаваў у ЗША і Бразіліі, некаторы час быў куратарам музея на Ямайцы. Усё жыццё збіраў калекцыю мух і апублікаваў мноства работ па энтамалогіі. Апісаў 1491 род і 1555 відаў.
Як сістэматык валодаў супярэчлівай рэпутацыяй. Яго называлі эксцэнтрычнай асобай. Вучоны любіў «пладзіць» роды, якія змяшчаюць па адным віду кожны і дапускаў асабістыя нападкі на калег, якія такі падыход крытыкавалі. Яго magnum opus стала праца «Manual of Myiology», якая ўтрымлівала 3760 старонак. Пры гэтым апошнія два тамы былі прысвечаны не энтамалогіі, але меркаванням аўтара адносна Месяца, развіцця людзей і прыроды гравітацыі.
Мірна памёр у сваім доме ў Ітакуакесетубе, Бразілія.
Сям’я Жонка Таўнсенда памерла ў 1903 годзе. Дзяцей ён пакінуў сваякам.
Літаратура
Катэгорыя:Выпускнікі Універсітэта Джорджа Вашынгтона Катэгорыя:Энтамолагі ЗША Катэгорыя:Аўтары заалагічных таксонаў