Капліца ў імя святога дабравернага князя Аляксандра Неўскага — праваслаўная капліца ў Гомелі, якая размяшчаецца на рагу вуліц Савецкай і Кірава. Прысвечана воінам-вызваліцелям у Вялікай Айчыннай вайне. Адкрыта 11 жніўня 2022 г. З’яўляецца сучаснай архітэктурнай рэплікай капліцы канца ХІХ ст. у памяць расійскага імператара Аляксандра ІІ, збудаванай у псеўдарускім стылі на колішняй Саборнай плошчы ГомеляЧасовню во имя князя Александра Невского в память о воинах-освободителях открыли в Гомеле // БелТА. 11 августа 2022..
Унутры капліцы размяшчаюцца тры ківоты з іконамі святога Аляксандра Неўскага (як «абронцы Святой Русі і заступніка воінаў»Митрополит Вениамин совершил чин освящения часовни-памятника в честь святого благоверного князя Александра Невского в городе Гомеле // Официальный портал Белорусской Православной Церкви. 11 августа 2022.), свяціцеля Іаана Златавуста (у дзень яго памяці 26 лістапада 1943 г. Гомель быў вызвалены ад нямецка-фашысцкай акупацыі), святога Георгія Пераможцы (як сімвал перамогі у Вялікай Айчыннай вайне).
Апроч таго ў капліцы сабрана 990 капсул з зямлёй з брацкіх магіл і воінскіх пахаванняў з усіх раёнаў Гомельскай вобласці і дзве капсулы з зямлёй з мемарыяльнага комплекса «Азарыцкі лагер смерці» (г. п. Азарычы, Калінкавіцкі раён) і мемарыяла «Помнік дзецям — ахвярам Вялікай Айчыннай вайны» (в. Красны Бераг, Жлобінскі раён).
Аб планах узвядзення капліцы было заяўлена ўлетку 2020 г. Абвяшчалася, што будаўніцтва будзе ажыццяўляцца прыходам гомельскага Петра-Паўлаўскага кафедральнага сабораУ Гомелі плануецца будаўніцтва капліцы-помніка ў гонар святога Аляксандра Неўскага // Афіцыйны партал Беларускай Праваслаўнай Царквы. 18 чэрвеня 2020.. Першы камень пры будаўніцтве быў урачыста закладзены 31 мая 2021 г.У Гомелі заклалі першы камень пры будаўніцтве капліцы ў гонар воінаў-вызваліцеляў // БелТА. 1 чэрвеня 2021.
Месца ўзвядзення капліцы з’яўляецца крайнім пунктам паўночнай ускраіны колішняга рабочага пасёлка Чырвоны Кастрычнік.
Катэгорыя:Капліцы Гомеля Катэгорыя:2022 год у Гомелі