Рыеці () — правінцыя ў Італіі, у рэгіёне Лацыа.
Геаграфія Правінцыя размешчана ў паўночна-ўсходняй частцы Лацыа. На захадзе па рацэ Тыбр мяжуе з правінцыяй Вітэрба, на паўднёвым захадзе — з Рымскай метраполіяй. На поўначы мяжуе з рэгіёнам Умбрыя, на ўсходзе — з рэгіёнам Марке.
Рэльеф у асноўным гарысты. Буйныя горы: Тэрмініла (2217 м), Лага (2458 м). Буйныя вадасховішчы: Вале-дэль-Сальта, Лага-дэль-Сальта (найбуйнейшае ў рэгіёне), Лага-дэль-Турана.
На поўдні правінцыі арганізаваны запаведнік Монці-Лукрэці, на паўднёвым усходзе — запаведнік Мантанье-дэла-Дукеса, паміж вадасховішчамі Сальта і Турана — запаведнік Монтэ-Навенья-э-Монтэ-Сервія.
У правінцыі захаваліся замкі, крэпасці і францысканскія санктуарыі.
Катэгорыя:Правінцыі Лацыа