Цьма () — рака ў Цвярской вобласці Расіі, левы прыток Волгі. Даўжыня — 142 км, плошча вадазборнага басейна — 1850 км². Выток знаходзіцца на поўдзень ад сяла Дзенежнае Старыцкага раёна Цвярской вобласці на паўднёва-ўсходніх схілах Вышневалацкай грады (так званыя Ільі Горы).
Вузкая ў вярхоўях даліна ў ніжнім цячэнні пашыраецца да 40 м. Рэчышча (шырыня 20—25 м, глыбіня 0,5—0,7 м) утварае шматлікія лукавіны. Ледзяное покрыва растае ў пачатку красавіка, ледастаў у пачатку снежня. Сярэдні гадавы расход вады — 13,7 м³/с.
Асноўныя прытокі: Беклаўка (22 км), Расня (12 км), Нашыга (39 км), Альшанка (11 км), Рачайна (62 км), Шостка (59 км).
Катэгорыя:Прытокі Волгі Катэгорыя:Рэкі Цвярской вобласці