Мар’ян Андрэевіч Баяровіч (, Альгецішкі, Ашмянскі раён, Гродзенская вобласць — ) — музычны педагог, фалькларыст, выдатнік народнай асветы Беларусі.
Біяграфія Нарадзіўся ў 1933 годзе на Ашмяншчыне ў сям’і каваля. Вучыўся ў пачатковай школе ў в. Кракоўка, у Ашмянскай СШ № 1. Працаваў сакратаром (1951-53), старшынёй (1953-54) Ашмянскага сельсавета. Вучыўся ў Гродзенскім музычна-педагагічным вучылішчы (1954-58), дзе пакінуты на працы. Быў выкладчыкам, загадчыкам аддзялення, намеснікам дырэктара па навучальнай рабоце (1958-75). Закончыў Беларускую дзяржаўную кансерваторыю па класе баяна ў 1970 годзе.
З 1975 года ў Лідскім музычным вучылішчы, намеснік дырэктара па навучальнай рабоце (1975-77), дырэктар (1977-96). Затым — выкладчык па класе баяна.
Выступаў у 1950-70-я ў канцэртах як баяніст-саліст. Рыхтуе апрацоўкі народных песень і танцаў для баяна. Запісвае (з 1960-х) беларускія народныя песні Гродзеншчыны. Выдаў зборнік «Беларускія народныя песні і танцы: апрацоўкі для баяна, акардэона і двухрадавага храматычнага гармоніка» (1998).
Старшыня Лідскага аддзялення Саюза музычных дзеячаў Беларусі.
Памёр у 2006 годзе.
Літаратура Беларускі фальклор : энцыклапедыя : [у 2 т.]. – Мінск, 2005. – Т. 1. – С.153-154 Людзі культуры з Гродзеншчыны: даведнік / А. М. Пяткевіч. — Гродна: ГрДУ, 2000.
Спасылкі bis.nlb.by
Катэгорыя:Нарадзіліся ў Ашмянскім раёне Катэгорыя:Музычныя педагогі Беларусі Катэгорыя:Члены Беларускага саюза музычных дзеячаў Катэгорыя:Баяністы Беларусі Катэгорыя:Фалькларысты Беларусі Катэгорыя:Выпускнікі Гуманітарнага каледжа (Гродна) Катэгорыя:Выкладчыкі Лідскага дзяржаўнага музычнага каледжа