Карлтанскі ўніверсітэт () — канадская дзяржаўная вышэйшая навучальная ўстанова са статусам даследчага ўніверсітэта, якая месціцца ў горадзе Атава ў правінцыі Антарыа, Канада.
Агульная характарыстыка Вучэльня заснаваная ў 1942 годзе як Карлтанскі каледж. Установа першапачаткова дзейнічала як прыватны вячэрні каледж для ветэранаў Другой сусветнай вайны. Каледж быў прызнаны ўніверсітэтам урадам правінцыі ў 1952 годзе. Універсітэт названы ў гонар цяпер ужо неіснуючай акругі Карлтан, якая ўключала горад Атава на момант заснавання ўстановы.
Ва ўніверсітэце штогод навучаецца больш за 27 тысяч студэнтаў бакалаўрыяту і каля 4 тысяч магістрантаў і аспірантаў. Універсітэт мае кампус плошчай 150 акраў, размешчаны на захад ад Старой Атавы.
Універсітэт агулам мае больш за 165 тысяч выпускнікоў па ўсім свеце, з іх 7 стыпендыятаў Родса, 2 лаўрэаты Пулітцэраўскай прэміі, 8 лаўрэатаў прэміі Кілама і некалькі лаўрэатаў Ордэна Канады. Акрамя таго, універсітэт звязаны з 53 членамі Каралеўскага таварыства і 3 лаўрэатамі Нобелеўскай прэміі.
Структура Факультэт мастацтваў і сацыяльных навук Факультэт інжынерыі і дызайну Факультэт дзяржаўнага кіравання Факультэт прыродазнаўчых навук Факультэт магістратуры і аспірантуры Школа бізнесу
Крыніцы
Спасылкі
Афіцыйная інтэрнэт-старонка ўстановы
Катэгорыя:Навучальныя ўстановы з англійскай мовай навучання Катэгорыя:Універсітэты паводле алфавіта Катэгорыя:Універсітэты Канады