Трапічны шторм «Трамі» (), на Філіпінах вядомы як трапічны шторм «Крысцін» () — актыўны трапічны цыклон, які сфармаваўся ў кастрычніку 2024 года. Нанёс сур’ёзны ўрон Філіпінам і ў цяперашні час прасоўваецца ўглыб В’етнама.
З’явіўся 19 кастрычніка 2024 г. як дэпрэсія, а затым перайшоў у стадыю ў трапічнага цыклону на захад ад Гуама, рухаючыся на захад уздоўж паўднёвай перыферыі вострава. Калі цыклон увайшоў у яе зону адказнасці, Філіпінскае ўпраўленне атмасферных, геафізічных і астранамічных службаў (PAGASA) 20 кастрычніка дала яму назву «Крысцін». Шторм знаходзіўся ў межах буйнейшай барычнай лагчыны, якая распасціралася ад Філіпінскіх астравоў на ўсход амаль да Гуама. Раніцай наступнага дня спадарожнікавыя здымкі паказалі, што дэпрэсія цалкам сфармавалася. Японскае метэаралагічнае агенцтва (JMA) павысіла ўзровень сістэмы да трапічнага шторму, назваўшы яго «Трамі». Да 23 кастрычніка JMA паведаміла, што «Трамі» ўзмацніўся і ператварыўся ў моцны трапічны шторм, які рухаўся з захаду на паўночны захад і абрынуўся на бераг у Дзівілакане на Філіпінах. На наступны дзень ён перамясціўся да прыбярэжных водаў паўднёвай часткі вострава Паўднёвы Ілакос. Да канца 26 кастрычніка як JMA, так і Аб'яднаны амерыканскі ваенна-марскі цэнтр па папярэджанні аб тайфунах (JTWC) паведамілі, што Трамі дасягнуў сваёй максімальнай інтэнсіўнасці, з устойлівымі вятрамі з хуткасцю 110 км/г з інтэрвалам у 10 хвілін, а цэнтральны ціск склаў 970 гПа. Па меры набліжэння да ўзбярэжжа В’етнама шторм сутыкнуўся з моцным усходнім вертыкальным зрухам ветра, у выніку чаго канвекцыя ў яго цэнтры стала больш лінейнай. На наступны дзень шторм дасягнуў сушы ў Тхыатх’ен-Хюэі і Дананг і павольна працягваў рух углыб краіны, рухаючыся ў паўднёва-заходнім напрамку.
Трапічны шторм «Трамі» нанёс сур’ёзны ўрон Філіпінам і В’етнаму прыкладна на 149 мільёнаў долараў ЗША. Загінулі 113 чалавек, 42 чалавекі прапалі, 74 пацярпелі. Каля 575 тысяч былі вымушаны пакінуць свае дамы.
Зноскі
Катэгорыя:Трапічныя штормы Катэгорыя:2024 год на Філіпінах Катэгорыя:2024 год у В’етнаме Катэгорыя:Кастрычнік 2024 года