Пасольства Беларусі ў Польшчы (Пасольства Рэспублікі Беларусь у Рэспубліцы Польшча, польск.: Ambasada Republiki Białoruś w Rzeczypospolitej Polskiej) — дыпламатычнае прадстаўніцтва Беларусі ў Польшчы. Размешчана ў сталічным горадзе Варшава на вуліцы Вертнічай 58 (ul. Wiertnicza 58).

Гісторыя Дыпламатычныя адносіны паміж Рэспублікай Беларусь і Рэспублікай Польшча ўстаноўлены 2 сакавіка 1992 года.

Пасля абвяшчэння незалежнасці ў 1991 была падпісана Дэкларацыя аб добрасуседстве, узаемаразуменні і супрацоўніцтве, а 23 чэрвеня 1992 года базавы палітычны прававы акт — Дагавор аб добрасуседстве і дружалюбным супрацоўніцтве.

У гэтым жа годзе ў Мінску было адкрыта Пасольства Польшчы, а ў Варшаве — Пасольства Беларусі. Першапачаткова яно знаходзілася на вуліцы Атэньскай, 67. У 2004 годзе пераехала ў новы будынак на вуліцы Вертнічай, 58.

У 2008 годзе для папулярызацыі культурнай спадчыны і сучаснай культуры і мастацтва Беларусі пры Пасольстве створаны Культурны цэнтр Беларусі ў Варшаве.

13 мая 2022 года адпаведным указам быў вызвалены ад пасады апошні пасол Уладзімір Чушаў, з таго часу Беларусь у Польшчы прадстаўляе часовы павераны ў справах Беларусі (на 2024 год — Аляксей Панкраценка).

Паслы

Уладзімір Сянько (1992—1994) Георгій Таразевіч (1994—1995) Віктар Бурскі (1996-2000) Мікалай Крэчка (2000-2002) Павел Латушка (2002-2008) Віктар Гайсёнак (2008-2013) Аляксандр Авяр’янаў (2013-2019) Уладзімір Чушаў (2019—2022)

Рэквізіты Адрас: ul. Wiertnicza 58, 02-952 Warszawa, Polska

Час працы: з панядзелка па пятніцу, 8:00—12:00, 12:40—16:40

Тэлефоны: +48 22 742-0990, +48 22 842-5202 (акрамя консульскіх пытанняў)

Прыём грамадзян Рэспублікі Беларусь па консульскіх пытаннях ажыццяўляецца па папярэднім запісе. Запісацца на прыём можна па тэлефоне +48 22 742 07 10, 08.00 — 12.00, 13.00 — 16.00. (Інфармацыя з сайта Пасольства)

Консульскія аддзелы Пасольства мае тры консульскія аддзелы: Консульскі аддзел Пасольства Рэспублікі Беларусь у Рэспубліцы Польшча, г. Варшава (ul. Wiertnicza 58, 02-952 Warszawa) Генеральнае консульства Рэспублікі Беларусь у Беластоку (Skwer Wolnej Białorusi 1, 15-080 Białystok) Консульства Рэспублікі Беларусь у Бялай Падляскай (ul. Sitnicka 77, 21-500 Biała Podlaska)

Зноскі

Катэгорыя:Беларуска-польскія адносіны