Знішчальнік дэманаў: Бясконцы Замак (яп.: 劇場版「鬼滅の刃」無限城編, Gekijō-ban Kimetsu no Yaiba: Mugen Jō-hen) — японскі анімэ-фільм у жанрах цёмнай фантастыкі і экшн 2025 года, заснаваны на манзе «Знішчальнік Дэманаў: Kimetsu no Yaiba» аўтарства Каяхару Готоўгэ. Рэжысёр — Харуа Сатазакі, вытворца — студыя Ufotable. Фільм з’яўляецца першай часткай кіна-трылогіі, прысвечанай сюжэтнай лініі «Бясконцы Замак», і працягвае падзеі пасля чацвёртага сезону тэлесерыяла «Знішчальнік Дэманаў: Kimetsu no Yaiba».

Кінапраект з трох частак быў афіцыйна абвешчаны ў чэрвені 2024 года, адразу пасля фінальнага эпізоду чацвёртага сезона анімэ-серыяла. У Японіі фільм мае другую назву «Частка 1: Вяртанне Аказы».

Сюжэт Фільм пачынаецца там, дзе скончылася чацвёртая сезона серыялу: Музан Кібутсудзі, пазбегшы пасткі Кагаё Убаяшыкі, а таксама справіўшыся з Тамаё, уцякае ў загадкавае вымярэнне-схованку — «Infinity Castle» (Бясконцы Замак). Ён выкарыстоўвае гэта месца як крэпасць, дзе можа ажыццяўляць свае планы далейшага супрацьстаяння корпусу Знішчальнікаў Дэманаў (Demon Slayer Corps).

Калі хашыра трапляюць у замак, яны раз’ядноўваюцца і пачынаюць сустракацца з магутнымі дэманамі з найвышэйшага шэрага рэйтынгу, шукаючы Музана. Сын Кагаё — Кагія Убаяшыкі з сёстрамі Куінай і Канатай — каардынуюць аперацыю, выкарыстоўваючы Касугай-воранаў для стварэння мапы замка і высвятлення месцазнаходжання ворагаў. Падчас барацьбы Шынобу Кочо сутыкаецца з Дома (нумар Два ў найвышэйшым шэрагу), які з’яўляецца адказным за смерць яе сястры, Канеа. Дома супрацьстаіць яе атруце і перамагае.

У асноўным сюжэце Танжыра Камада актывуе здольнасць уваходзіць у «Transparent World» (Празрысты Свет) і «Selfless State», што дазваляе яму бачыць атакі дэманаў, схаваныя эмоцыі, і дзейнічаць без перашкод — і ў выніку ён змагаецца з Аказай (нумар Тры ў найвышэйшым шэрагу) і перамагае. У момант смерці Аказа успамінае сваё чалавечае мінулае, дзе яго звалі Хакуці, свае сямейныя траўмы і разбурэнне жыцця, што прывяло да яго пераўтварэння ў дэмана. Аказа, пакуль яшчэ дэман, бачыць памылкі мінулага, учыняе самапашкоджанне, каб адпакутваць свае грахі і памірае. Пасля гэтага Танжыра і Гію падаюць ад стомленасці, падкрэсліваючы, што перамога дасягнута, але цана яе была высокая.

У канцы фільма паказваецца, што іншыя моцныя дэманічныя сілы, такія як Какушыба і Накімэ, адчуваюць смерць Аказы. Накімэ працягвае маніпуляваць структурай Бясконцага Замка, каб блытаць хашыра. Музан здзяйсняе яшчэ адзін жорсткі крок — трымае Тамаё ў кокане са сваёй плоці, упэўнены ў сваёй перавазе. Фільм заканчваецца, пакідаючы адкрытыя напрамкі для далейшых падзей у наступных частках.

Асноўныя падзеі ўключаюць:

Бітву Танжыра і Гію супраць Аказы (нумар Тры ў найвышэйшым шэрагу). Танжыра актывуе новыя здольнасці — «Transparent World» і «Selfless State», дзякуючы чаму здольны бачыць рухі ворага, і перамагае Аказу. У момант смерці дэман успамінае сваё чалавечае мінулае. Бой Шынобу супраць Домы (нумар Два ў найвышэйшым шэрагу). Шынобу ахвяруе сабой, выкарыстоўваючы атруту, каб аслабіць ворага, заклаўшы аснову для будучай перамогі яе вучаніцы — Канао. Стратэгічная роля сям’і Убаяшыкі: Кірыя і яго сёстры кіруюць аперацыяй праз Касугай-воранаў, каб дапамагчы хашыра арыентавацца ў замку. Фінальныя намёкі: пасля смерці Аказы, Музан пачынае рыхтавацца да асабістага супрацьстаяння. Фільм завяршаецца на адкрытым фінале, які вядзе да наступнай часткі.

Агучка персанажаў +ПерсанажЯпонская агучкаТанжыра Камада (竈門 炭治郎, Kamado Tanjirō)Нацкі ХанаэНэзка Камада (竈門 禰豆子, Kamado Nezuko)Акары КітоЗэніцу Агацма (我妻 善逸, Agatsuma Zenitsu)Хіра ШымонаІноске Хашыбіра (嘴平 伊之助, Hashibira Inosuke)Ёшыцугу МацокаКанао Цуюры (栗花落 カナヲ, Tsuyuri Kanao)Рэйна УэдаГэнья Шіназугава (不死川 玄弥, Shinazugawa Genya)Набухіка АкамотаГію Таміёка (富岡 義勇, Tomioka Giyū)Такахіра СакурайТэнген Узуі (宇髄 天元, Uzui Tengen)Кацуюкі КанішыМуічыро Такіто (時透 無一郎, Tokitō Muichirō)Кега КаванішыШынобу Кочо (胡蝶 しのぶ, Kochō Shinobu)Саоры ХаяміОбанай Ігура (伊黒 小芭内, Iguro Obanai)Кенічы СузумураСанэмі Шыназугава (不死川 実弥, Shinazugawa Sanemi)Тамаказу СекіМіцры Канроджы (甘露寺 蜜璃, Kanroji Mitsuri)Кана ХаназаваГ’ёмей Хімеджыма (悲鳴嶼 行冥, Himejima Gyōmei)Тамаказу СугітаДома / Найвышэшы Шэраг 2 (童磨, Dōma)Мамору МіянаАказа / Найвышэйшы Шэраг 3 (猗窩座, Akaza)Акіра ІшыдаКайгаку / Найвышэйшы Шэраг 6 (獪かい岳, Kaigaku)Ёшымаса Хосоя

Вытворчасць

План і задумка Ідэя экранізаваць сюжэтную лінію «Бясконцага Замку» у фармаце кінатрылогіі ўзнікла падчас пракату «Бясконцага Цягніка». Прэзідэнт студыі ufotable Хікару Канда паведаміў пра гэта кіраўніцтву Aniplex, пасля чаго праект быў афіцыйна зацверджаны вытворчым камітэтам, у які ўваходзяць Aniplex, Shueisha і ufotable.

3DCG Для вялікага экрана спатрэбілася новае, больш дэталёвае 3D-мадэляванне Бясконцага Замку. Папярэднія мадэлі, выкарыстаныя ў серыяле, былі адкінутыя. Ufotable інвеставала ў сучасныя GPU-сістэмы, мадэрнізавала серверныя пакоі і палепшыла ўнутраную сетку. Гэта дазволіла скараціць час рэндэрынгу і захаваць мэтавую якасць. Воблачны рэндэрынг быў адхілены з-за занадта высокіх выдаткаў.

Вытворчы працэс Асноўныя супрацоўнікі з мінулых сезонаў працягнулі працу, а кіраўнік студыі Хікару Канда выступіў таксама як генеральны рэжысёр і сцэнарыст. Для пастаноўкі экшн-сцэн унутры замку, дзе персанажы рухаюцца ў розных вымярэннях, была створаная новая сістэма вытворчасці: чатыры вядучыя аніматары ўзначалілі каманды, якія займаліся ключавымі сцэнамі.

У вытворчасці ўдзельнічала некалькі соцень аніматараў і рэжысёраў анімацыі. Каб пазбегнуць разыходжанняў у малюнку, былі створаныя CG-шаблоны рухаў і спецыяльныя матэрыялы для адлюстравання пашкоджанняў. Рэжысёр Харуа Сатадзакі і дызайнер персанажаў Акіра Мацуcіма, як і раней, курыравалі агульную працу.

У адрозненне ад папярэдніх сезонаў, у «Бясконцым Замку» уся каманда студыі перайшла на лічбавую анімацыю. Гэта дазволіла паскорыць камунікацыю, палепшыць праверку і павысіць дакладнасць. Традыцыйная тэхніка захавалася толькі ў асобных сцэнах і пры стварэнні фонаў.

Музыка Паводле кампазітара Го Шыіны, праца над музыкай пачалася яшчэ ў 2024 годзе. Ён цесна супрацоўнічаў з Хікару Кандоа, які выступіў як генеральны і музычны рэжысёр. Паводле M-лініі (спецыяльных таймінгавых інструкцый) было напісана каля 70 кампазіцый, што злучалі дыялогі і экшн-сцэны.

Часта патрабаваліся шматразовыя праўкі, і праца працягвалася да позняй ночы. Калі набліжаўся тэрмін запісу, Кандо пераехаў непасрэдна ў студыю Шыіны. Паралельна Канда курыраваў працу другой кампазітаркі — Юкі Кадзіуры, якая стварыла галоўную песню фільма. Дэма-версіі кампазіцый былі гатовыя праз тыдзень пасля завяршэння гэтай інтэнсіўнай працы.

У фільме ўжываюцца дзве галоўныя кампазіцыі: +НазваВыканаўцаСловыМузыкаАранжыроўка«A World Where the Sun Doesn’t Rise»AimerХікару КондаГо ШыінаГо Шыіна і Сачыка Міяна«Shine in the Cruel Night»LiSAЮкі Кадзіюра

Рэакцыя крытыкаў і гледачоў Пасля прэм’еры фільм атрымаў шырокі рэзананс у Японіі і за яе межамі. Крытыкі адзначалі высокую якасць анімацыі, маштабнасць пастаноўкі і драматычную сілу кульмінацыйных бітваў. Асаблівую ўвагу надалі спалучэнню 3DCG і традыцыйнай анімацыі, што дазволіла стварыць унікальны візуальны стыль. Музычнае афармленне, паводле аглядаў, стала адным з галоўных фактараў эмацыйнага ўздзеяння фільма.

Пракат і зборы Па стане на 16 кастрычніка 2025 года года агульныя зборы фільма склалі 649 млн даляраў ЗША, што стала новым рэкордам найвышэйшага касавага даходу японскага фільма ў свеце. Фільм назбіраў 128,6 млн даляраў у ЗША і Канадзе і стаў найбольш касавым фільмам на замежнай мове ў Паўночнай Амерыцы, абышоўшы ў пракаце Тайваньскі фільм Энга Лі 2000 года «».

У Японіі фільм назбіраў 364,1 млрд іен і займае другое месца сярод самых касавых японскіх фільмаў саступаючы іншаму паўнафарматнаму фільму з франшызы «Знішчальнік Дэманаў: Бясконцы цягнік»

Спасылкі

(рэйтынг 98 % па выніках 59 водгукаў)

Зноскі

Катэгорыя:Фільмы паводле алфавіта Катэгорыя:Кінематограф Японіі Катэгорыя:Анімэ Катэгорыя:Манга Катэгорыя:Фільмы на японскай мове Катэгорыя:Японская масавая культура Катэгорыя:Поўнаметражныя анімацыйныя фільмы Катэгорыя:Фільмы 2025 года Катэгорыя:Фільмы Японіі 2025 года