7-я расійская ваенная база (скар. 7 рвб, в/ч 09332) — аб’яднаная ваенная база Узброеных Сіл Расійскай Федэрацыі на тэрыторыі Абхазіі.
Поўнае найменне — 7-я Краснадарская Чырванасцяжная ордэнаў Жукава, Кутузава і Чырвонай Зоркі ваенная база ().
Найменні 7-я Краснадарская Чырванасцяжная ордэнаў Жукава, Кутузава і Чырвонай Зоркі ваенная база была сфарміравана 20 ліпеня 1918 года як 1-я Курская савецкая пяхотная дывізія. Далей дывізія (ваенная база) мела найменні: з верасня 1918 года 9-я пяхотная дывізія; з кастрычніка 1918 года 9-я стралковая дывізія; з 16.10.1921 года 1-я Каўказская стралковая брыгада і 2-я Каўказская стралковая брыгада; з 22.07.1922 года 1-я Каўказская стралковая дывізія; з 1931 года 1-я горнастралковая дывізія; з 1936 года 9-я горнастралковая дывізія; з верасня 1943 года 9-я пластунская стралковая дывізія; з чэрвеня 1946 года 9-я асобная кадравая пластунская стралковая брыгада; з 9.6.1949 года 9-я горнастралковая дывізія; з 10.6.1954 года 9-я стралковая дывізія; з мая 1957 года 80-я мотастралковая дывізія; са снежня 1964 года адноўлены нумар дывізіі, які быў у перыяд Вялікай Айчыннай вайны, 9-я мотастралковая дывізія; з кастрычніка 1992 года 131-я асобная мотастралковая брыгада; з 1.2.2009 года 7-я Краснадарская Чырванасцяжная ордэнаў Кутузава і Чырвонай Зоркі ваенная база.
Утварэнне Пасля грузіна-абхазскай вайны 1992—1993 гадоў на падставе пагаднення паміж абхазскім і грузінскім бакамі, а таксама рашэння СНД аб стварэнні ў 1994 годзе Калектыўных сіл па падтрыманні міру СНД у АбхазііДесять лет на страже мира ў край былі ўведзеныя міратворцы СНД, якія складаліся выключна з расійскіх вайскоўцаў.
Асновай 50-й расійскай ваеннай базы стаў міратворчы 10-ы асобны парашутна-дэсантны полк сфармаваны на базе 345-га гв. парашутна-дэсантнага палка 104-й гв. паветрана-дэсантнай дывізіі, выведзенага з Гянджы. Размясцілася 50-я база каля аэрадрома Бамбора побач з аднаіменным пасёлкам і горадам Гудаута ў чэрвені 1994 года. За час міратворчай аперацыі загінула 87 расійскіх вайскоўцаў. У 1999 годзе на саміце АБСЕ ў Стамбуле Расія ўзяла на сябе абавязацельства вывесці міратворцаў з Абхазіі. У жніўні 2001 года было абвешчана аб ліквідацыі 50-й расійскай ваеннай базы.. Пасля гэтага на аб’ектах былой базы размясціліся міратворцы Калектыўных сіл па падтрыманні міру (КСПМ) СНД.
Пасля аперацыі расійскіх і абхазскіх сіл у Кадорскай цясніне (на тэрыторыі так званай «Верхняй Абхазіі») і прызнання самаабвешчанай Рэспублікі Абхазія РасіяйО признании независимости Южной Осетии и Абхазии было прынята рашэнне стварыць дзейную расійскую базу.
З 1 лютага 2009 года 131-я асобная мотастралковая брыгада перафармаваная і створана 7-я Краснадарская Чырванасцяжная ордэнаў Кутузава і Чырвонай Зоркі ваенная база. 17 лютага 2010 года прэзідэнтамі Расіі Дзмітрыем Мядзведзевым і Абхазіі Сяргеем Багапшам было падпісана пагадненне аб аб’яднанай расійскай ваеннай базе на тэрыторыі Абхазіі.
У адпаведнасці з расійска-абхазскім пагадненнем у склад аб’яднанай ваеннай базы ўвайшлі былыя міратворчыя аб'екты і ваенны аэрадром Бамбора, дыслакаваныя ў раёне Гудауты, вайсковы палігон і частка марской бухты пад Ачамчырай, Сумесныя расійска-абхазскія вайсковыя гарнізоны, дыслакаваныя ў Кадорскай цясніне і каля Інгурскай ГЭС. Акрамя таго, ваенна-адміністрацыйныя і медыцынскія аб’екты (санаторыі і дамы адпачынку) размешчаны ў Сухуме, Гаграх, Гудауце, Новым Афоне, Эшеры і іншых населеных пунктах Абхазіі (праўда, з нагоды эксплуатацыі медыцынскіх аб’ектаў паміж Расіяй і Абхазіяй бываюць рознагалоссі — як, напрыклад, з закрыццём на рэканструкцыю санаторыя «Сухум»).
Усе аб’екты меркавалася выкарыстоўваць сумесна Узброенымі Сіламі Расіі і Узброенымі Сіламі Абхазіі ў сувязі з чым аплата арэнды базы не прадугледжваецца. Тэрмін функцыянавання базы — 49 гадоў, з магчымасцю аўтаматычнага падаўжэння на наступныя 15-гадовыя перыяды.
Склад Упраўленне, 1-ы мотастралковы батальён, 2-і мотастралковы батальён, 3-і мотастралковы батальён, танкавы батальён, 1-ы гаўбічны самаходна-артылерыйскі дывізіён, 2-і гаўбічны самаходна-артылерыйскі дывізіён, рэактыўны артылерыйскі дывізіён, супрацьтанкавы артылерыйскі дывізіён, разведвальны батальён, інжынерна-сапёрны батальён, батальён упраўлення (сувязі), рамонтна-аднаўленчы батальён, батальён матэрыяльнага забеспячэння, гаўбічная батарэя, стралковая рота (снайпераў), рота БПЛА, рота РХБЗ, рота РЭБ, каменданцкая рота, медыцынская рота, батарэя ўпраўлення і артылерыйскай разведкі (начальніка артылерыі), узвод упраўлення і радыёлакацыйнай разведкі (начальніка супрацьпаветранай абароны), узвод упраўлення (начальніка разведвальнага аддзялення), узвод інструктараў, узвод трэнажораў, палігон, аркестр.
Крыніцы
Спасылкі Справочник О боевом пути Действующая армия. Перечни войск. Перечень № 5. Стрелковые, горно-стрелковые, мотострелковые и моторизованные дивизии.
Катэгорыя:Воінскія часці і фарміраванні Расіі Катэгорыя:Расійская ваенная прысутнасць за мяжой