Be Incorporated — карпарацыя, створаная ў 1990 годзе ў Каліфорніі, ЗША. Стваральнік аперацыйнай сістэмы BeOS і персанальнага камп’ютара BeBox. Кампанія створана былым выканаўчым дырэктарам Apple Computers Жанам-Луі Гасэ з капіталам Сеймура Крэя. Галоўнай мэтай стварэння кампаніі была распрацоўка сучаснай перадавой камп’ютарнай платформы, як апаратнай, так і праграмнай.
Продаж Be Inc. У 2001 годзе актывы кампаніі былі скуплены Palm, Inc. за 11 млн долараў, пасля чаго была пачата працэдура ліквідацыі.
У верасні 2003 года кампанія выйграла працэс супраць Microsoft, абвінаваціўшы яе ў несумленнай канкурэнцыі, якая заключалася ў тым, што тая забараняла вытворцам персанальных камп’ютараў усталёўваць на свае вырабы аперацыйныя сістэмы, адрозныя ад Windows. Microsoft выплаціла Be, Inc. 23,25 млн долараў.
Каманда Be Inc. у кампаніі Palm Inc.
Былыя супрацоўнікі Be Inc. амаль у поўным складзе ўліліся ў калектыў Palm, Inc. Стыў Сакаман, былы выканаўчы дырэктар Be Inc., — стаў кіраваць аддзелам апаратнага забеспячэння Palm, Inc. Ранейшы галоўны архітэктар BeOS, Джорж Хофман, — стаў галоўным архітэктарам падраздзялення PalmSource, Inc. Сірыль Мерыён, які кіраваў распрацоўкамі ядра ў BeOS, — стаў кіраваць распрацоўкамі ядра PalmOS. Аддзел праграмнага забеспячэння таксама ў руках былых супрацоўнікаў Be Inc. Так што Be Inc. у асобе сваіх супрацоўнікаў стала вельмі ўплывовай у Palm, Inc. За даволі смешныя, па мерках IT-рынку, грошы кампанія Palm, Inc. набыла сабе вельмі актыўную і перспектыўную каманду, якая можа калі не вывесці калісьці лідара КПК-рынку на ранейшыя пазіцыі, то прынамсі ўмацаваць яго ўплыўАртыкул на сайце QuBe.ru: «Фармальнае завяршэнне зліцця Be і Palm» .
Крыніцы
Спасылкі Сайт Be Incorporated. Сайт Be.com (архіў). Рассылка Be Newsletters (архіў).
Катэгорыя:BeOS Катэгорыя:Кампаніі, скасаваныя ў 2001 годзе