А 13:30 15 красавіка 2026 года ўзброены падлетак адкрыў агонь у двары школы імя Айсера Чаліка (г. Аніктшубата, правінцыя Кахраманмараш, Турцыя), пасля чаго пракраўся ўнутр і працягнуў напад у адным з класаў. У ходзе атакі было выкарыстана пяць адзінак агнястрэльнай зброі і сем магазінаў. Загінулі 10 чалавек (адна з ахвяр памерла на наступны дзень у бальніцы ад атрыманых траўмаў) і яшчэ 12 атрымалі раненні. Першапачаткова паведамлялася, што нападнік пакончыў з сабой, аднак пасля высветлілася, што яго скруцілі і абясшкодзілі настаўнікі і работнік сталовай; калі ж стралок паспрабаваў вырвацца, да іх падышоў Неджметын Бекчы, кухар і бацька двух вучняў, які ў спробе спыніць параніў стрэлка ў нагу нажом са школьнай сталовай. У выніку нанесенай раны ім ненаўмысна была закранута сцегнавая артэрыя, што прывяло да смерці нападніка ад кровастраты.
Інцыдэнт адбыўся праз 28 гадзін пасля іншага выпадку стральбы ў школе ў раёне Сіверэк правінцыі Шанлыўрфа.
Стралок быў ідэнтыфікаваны як 14-гадовы Іса Арас Мерсінлі (), вучань 8-га класа гэтай школы. Паведамляецца, што ён пракраўся ў школу са зброяй свайго бацькі, былога паліцэйскага, якую ён схаваў у заплечніку. Крыніцы
Катэгорыя:Красавік 2026 года Катэгорыя:Падзеі 15 красавіка Катэгорыя:2026 год у Турцыі