Рыбафлаві́н, вітамін B2 — водарастваральны вітамін групы В, C17H20N4O6. Будова была вызначана ў 1935 годзе шляхам хімічнага сінтэзу незалежна П. Карэрам і Р. І. Кунам.
Крышталічнае рэчыва жоўта-аранжавага колеру. Тэмпература плаўлення — 282 °С. Слаба раствараецца ў вадзе і этаноле, не раствараецца ў ацэтоне, бензоле і хлараформе. Разбураецца пад уздзеяннем святла.
Біялагічная роля Рыбафлавін удзельнічае ў абмене рэчываў шляхам пераўтварэння ў флавінавыя каферменты, забяспечваючыя актыўнасць важнейшых акісляльна-аднаўленчых ферментаў, рэгулюючых працэсы бялковага, тлушчавага і вугляводнага абмену. Таксама неабходны для актыўнасці іншых вітамінаў.
Недахоп рыбафлавіну ў арганізме выклікае агульную слабасць, затрымку росту, малакроўе, запаленне скуры, парушэнні зроку і інш.
Крыніцы рыбафлавіну Рыбафлавін не сінтэзуецца ў арганізме чалавека і жывёл і павінен паступаць разам з ежай. У найбольшай колькасці ўтрымліваецца ў печані, нырках, яйках, малочных прадуктах, дражджах, грэчцы і інш. У такіх харчовых прадуктах, як рыс, мучныя вырабы, большасць садавіны і гародніны, рыбафлавін утрымліваецца ў нязначнай колькасці.
У прамысловых умовах рыбафлавін атрымліваюць хімічным сінтэзам 3,4-дыметыл-ананіліну і рыбозы або мікрабіялагічным сінтэзам (напрыклад, з выкарыстаннем грыба Eremothecium ashbyi).
Крыніцы
Літаратура Семяненя І. М. Рыбафлавін //
Спасылкі РИБОФЛАВИН // Энцыклапедыя Кругасвет
Артыкул на сайце ХиМиК.ру
Катэгорыя:Вітаміны і вітамінападобныя сродкі Катэгорыя:Лекавыя сродкі паводле алфавіта Катэгорыя:Харчовыя дабаўкі Катэгорыя:Фарбавальнікі Катэгорыя:Каферменты Катэгорыя:Вітаміны групы B Катэгорыя:Вітаміны