Праклён Крусібла () — неафіцыйны тэрмін, паняцце якога спасылаецца на той факт, што ні адзін гулец у снукер, які выйграў чэмпіянат свету ў першы раз, не здолеў абараніць свой тытул з тых часоў, як галоўны турнір сезона праходзіць у Тэатры Крусібл ў Шэфілдзе (з 1977 года). Апошнім чэмпіёнам свету, які паспяхова абараніў свой першы тытул, стаў Джон Палмэн у 1964 годзе, калі чэмпіёны свету вызначаліся ў выніку чэлендж-матчаў.
Праклён
Ніжэй прадстаўлена табліца з гульцамі, якія не здолелі абараніць свой дэбютны тытул чэмпіёна свету. З 16 гульцоў, якія выйгралі свой першы чэмпіянат свету ў Крусібле, шасцёра саступілі ў першым раўндзе ў наступным годзе (Тэры Грыфітс у 1980, Стыў Дэвіс у 1982, Дэніс Тэйлар у 1986, Грэм Дот у 2007, Ніл Робертсан у 2011 і Сцюарт Бінэм у 2016) і толькі двое здолелі дайсці да фіналу ў якасці дзеючых чэмпіёнаў (Джо Джонсан ў 1987 і Кен Доэрці ў 1998).
ГодДзеючы чэмпіёнРаўндЛікСапернікЗноска1980 Тэры Грыфітс Другі раўндГрыфітс, як і іншыя топ-8 сеяных гульцоў, пачынаў чэмпіянат з другога раўнда, і, такім чынам, матч другога раўнда быў для яго стартавым паядынкам турніру. 10-13 Стыў Дэвіс 1981 Кліф Торбурн Паўфінал 10-16 Стыў Дэвіс 1982 Стыў Дэвіс Першы раўнд 1-10 Тоні Ноўлз 1986 Дэніс Тэйлар Першы раўнд 6-10 Майк Халет 1987 Джо Джонсан Фінал 14-18 Стыў Дэвіс 1991 Стывен Хендры Чвэрцьфінал 11-13 Стыў Джэймс 1992 Джон Пэрат Чвэрцьфінал 12-13 Алан МакМанус 1998 Кен Доэрці Фінал 12-18 Джон Хігінс 1999 Джон Хігінс Паўфінал 10-17 Марк Уільямс 2001 Марк Уільямс Другі раўнд 12-13 Джо Свэйл 2002 Роні О’Саліван Паўфінал 13-17 Стывен Хендры 2003 Пітэр Эбдан Чвэрцьфінал 12-13 Пол Хантэр 2006 Шон Мёрфі Чвэрцьфінал 7-13 Пітэр Эбдан 2007 Грэм Дот Першы раўнд 7-10 Ян МакКалах 2011 Ніл Робертсан Першы раўнд 8-10 Джад Трамп 2015 Марк Сэлбі Другі раўнд 9-13 Энтані Мак-Гіл 2016 Сцюарт Бінэм Першы раўнд 9-10 Алістэр Картэр
У той жа час, тытул выйгравалі гульцы, якія ўжо былі чэмпіёнамі свету, і, такім чынам, «праклён» не дзейнічаў на іх. Чацвёра гульцоў выйгравалі некалькі тытулаў запар: Стыў Дэвіс (1983—1984 і 1987—1989), Стывен Хендры (1992—1996), Роні О’Саліван (2012—2013) і Марк Сэлбі (2016—2017), але толькі пасля таго, як яны станавіліся ахвярай «праклёну».
Да Крусібла
Яшчэ да таго, як чэмпіянат свету быў перанесены ў тэатр Крусібл, ні адзін гулец у сучаснай снукернай эпосе, які выйграў свой першы тытул, не здолеў абараніць яго ў наступным розыгрышы. Толькі тром снукерыстам удавалася абараніць свой дэбютны чэмпіёнскі тытул: Джо Дэвісу ў 1928 годзе, яго брату Фрэду ў 1949 і Джону Палмэну ў першым чэлендж-матчы ў 1964 годзе. Акрамя таго, Рэй Рыярдан, Алекс Хігінс і Джон Спэнсэр, якія выйгравалі свой першы сусветны чэмпіянат яшчэ да Крусібла, цярпелі няўдачу пры спробе абароны свайго тытула.
ГодДзеючы чэмпіёнРаўндЛікСупернікЗноска1970 Джон Спэнсэр Паўфінал 33-37 Рэй Рыярдан 1971 Рэй Рыярдан Паўфінал 15-34 Джон Спэнсэр 1973 Алекс Хігінс Паўфінал 9-23 Эдзі Чарльтан
Зноскі
Відэа
Паўфінальны матч чэмпіянату свету 2002 (Роні О'Саліван — Стывен Хендры)
Катэгорыя:Чэмпіянат свету па снукеры Катэгорыя:Забабоны