Блізна́я (, ) — вёска ў Пружанскім раёне Брэсцкай вобласці. Уваходзіць у склад Ружанскага сельсавета.

Па адной версіі, назва паходзіць ад ракі Блізёнкі каля вёскі, па другой — ад двух ручаёў па баках вёскі, такім чынам яна размешчана блізка да іх.

Гісторыя

Сяло Блізная «…з людзьмі даннымі і цяглымі, і з землямі тых людзей ворнымі і бортнымі, і з лугамі…» было нададзена Богушу Багавіцінавічу, прывілеем ад 1516 года кароль Жыгімонт Стары пацвердзіў свайму маршалку і пісару ўласнасць «на вечнасць».

Паводле інвентара 1604 года, у Блізнай быў фальварак, які складаўся з «двара» і гумнішча. На «двары» стаяў дом аканома, будавалася вялікая грыдня для чэлядзі, таксама былі грыдня пастуха, піўніца з дрэва, два свірны для захоўвання збожжа, стайня і абора. Дом аканома — ускладнены варыянт трохкамернага жытла, справа ад пярэдняга пакою вялікая святліца з 5 вокнамі, кафлянай печчу і камінам, злева — малая святліца з 2 вокнамі «палатнянымі блонамі» і жылая камора. Дом крыты драніцамі (гонтай), астатнія пабудовы — саломай. На гумнішчы, агароджаным дылямі, была стадола для абмалоту снапоў і адрына для захоўвання сена і саломы, абедзве пакрытыя саломай. Пры фальварку было 5 ставоў з мукамольнымі млынамі, адзін млын з двума працоўнымі коламі, астатнія — з адным.Якимович Ю. А. Зодчество Белоруссии XVI — середины XVII в. : справ. пособие / . — Минск : Навука і тэхніка, 1991. — 367 с.

У 1687 годзе Блізная — адзін з фальваркаў маёнтка Ружаны, уласнасць Сапегаў.

У 1890 годзе маёнтак Блізна з фальваркам Белае Поле, агулам 3602 дзесяціны зямлі, уласнасць Леана Мілашэўскага. Мілашэўскімі ў Блізнай створаны сядзібна-паркавы комплекс, які да цяперашняга часу захаваўся часткова.

Да 21 студзеня 1961 года вёска ўваходзіла ў склад Славаціцкага сельсаветаРашэнне выканкома Брэсцкага абласнога Савета дэпутатаў працоўных ад 21 студзеня 1961 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1961, № 18 (938)., да 12 ліпеня 1963 года — у склад Ружанскага сельсаветаРашэнне выканкома Брэсцкага абласнога (сельскага) Савета дэпутатаў працоўных ад 12 ліпеня 1963 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1963, № 34 (1034)., да 16 красавіка 1973 года — у склад Вольскага сельсавета, пасля — у складзе Ружанскага сельсавета.

Мікратапанімія

Ружанская — ранейшая вуліца, цяпер участак дарогі за межамі вёскі, у кірунку Ружан. Афіцыйна, станам на 2022 год, вуліцы няма, дамы абапал дарогі знесены і пахаваны ў 2020—2022 гадах. У Ружанах дарога працягвалася як вуліца Блізная і вяла да Рынкавай плошчы. Блізёнка — ручай на паўночна-ўсходнім ускрайку вёскі, пачынаецца з крыніцы Дубіна, цячэ праз тарфянішча, затым да ручая прыцякае крыніца асвечаная святарамі Свята-Аляксандра-Неўскай царквы і ўпарадкаваная мясцовымі жыхарамі, паблізу невялікая штучная студня, куды раней ставілі збаны з малаком для даўжэйшага захоўвання. Далей Блізёнка ўпадае ў выкапанае Новае возера, з яго ў сетку меліярацыйных каналаў і потым у Зэльвянку. Крынічная вада ў ручаі цёплая, ён не замярзае, раней мясцовыя жыхары карысталіся гэтым для паласкання бялізны. Вомх — ручай на паўднёва-заходнім ускрайку вёскі, пачынаецца з крыніцы, цячэ праз Брадок і Старое возера (Стас’е возера), упадае ў сетку меліярацыйных каналаў і потым у Зэльвянку. Як і Блізёнка ручай не замярзае.

Насельніцтва

Вядомыя асобы Яўген Васілевіч Малашэвіч — навуковец-біёлаг, журналіст, кнігавыдавец, аўтар-складальнік шэрагу энцыклапедычных і даведачных выданняў, заслужаны работнік культуры Беларусі.2 студзеня 2014 г. — 70 гадоў з дня нараджэння (1944) Яўгена Васільевіча Малашэвіча, вучонага-біёлага, журналіста, кнігавыдаўца, аўтара-складальніка шэрагу энцыклапедычных і даведачных выданняў, заслужанага работніка культуры Беларусі  — Заслужаны работнік транспарту Украіны, прафесар, кандыдат тэхнічных навук, акадэмік. Аляксандр Віктаравіч Булыга — пяціразовы пераможца конкурсу «Найлепшы зваршчык Беларусі», тройчы найлепшы зваршчык ААТ «Газпрам трансгаз Беларусь»http://www.gtb.by/d/journal/01/1/finalnyj.pdf. Пераможца 7-га рэспубліканскага конкурсу зваршчыкаў у намінацыі «В» — Ручная дугавая зварка. 2-е месца ў намінацыі Газавая зварка (311/OFW) на 10-м Міжнародным конкурсе зваршчыкаў «Залаты кубак Бенардоса» ў 2013 годзеhttps://www.informdom.com/metalloobrabotka/2013/6/10-i-mezhdunarodnyi-konkurs-svarschikov-zolotoi-kubok-benardosa.html.

Славутасці Свята-Аляксандра-Неўская царква (1888, мураваная) Шэраговая забудова Рэшткі сядзібна-паркавага комплексу Мілашэўскіх Парк СтайняУсадьба Милашевских: конюшня Вежа-вяндлярня Цагельня

Крыніцы

Літаратура

Спасылкі

Катэгорыя:Ружанскі сельсавет Катэгорыя:Населеныя пункты Пружанскага раёна