Isabel García Tejerina, nada en Valladolid o 9 de outubro de 1968, é unha política española, membro do PP. Foi ministra de Agricultura, Alimentación e Medio Ambiente entre 2014 e 2018.
Traxectoria Isabel García Tejerina estudou no Colexio "La Enseñanza" de Valladolid, pertencente á Compañía de María. É enxeñeira agrónoma pola Universidade Politécnica de Madrid e licenciada en Dereito pola Universidade de Valladolid. Conta, ademais, con sendos máster en Comunidades Europeas pola Universidade Politécnica de Madrid e en Economía Agraria pola Universidade de California en Davis.
Desenvolveu practicamente a totalidade da súa carreira política no Ministerio de Agricultura, primeiro como asesora dos ministros Loyola de Palacio, Jesús Posada e Miguel Arias Cañete, e posteriormente como Secretaria Xeral de Agricultura e Alimentación no ente ministerial, en dúas etapas: de 2000 a 2004«Real Decreto 1025/2000, do 2 de xuño, polo que nomea Secretaria Xeral de Agricultura e Alimentación a dona Isabel García Tejerina». BOE (3 de xuño de 2000). e de 2012 a 2014.«Real Decreto 319/2012, do 3 de febreiro, polo que se nomea Secretaria Xeral de Agricultura e Alimentación a dona Isabel García Tejerina». BOE (4 de febreiro de 2012)
Foi, igualmente, directora de planificación estratéxica da empresa Fertiberia entre 2004 e 2012 e nese mesmo período, conselleira da compañía mercantil alxerina de fertilizantes Fertial S.P.A.«A vallisoletana García Tejerina, nova secretaria xeral de Agricultura e Alimentación». El Norte de Castilla (12 de febreiro de 2012).
O 28 de abril de 2014 foi nomeada ministra de Agricultura, Alimentación e Medio Ambiente en substitución de Miguel Arias Cañete.Real Decreto 303/2014, do 28 de abril, polo que se nomea Ministra de Agricultura, Alimentación e Medio Ambiente a dona Isabel García Tejerina.«Rajoy fai un retoque mínimo no Executivo e nomea ministra a Tejerina». El País (28 de abril de 2014).
En xullo de 2020 renunciou ao seu escano no Congreso dos Deputados.
Notas
Véxase tamén
Outros artigos
Lista de ministros de Agricultura de España
Categoría:Ministros do Goberno de España da XII Lexislatura Categoría:Nados en Valladolid Categoría:Nados en 1968 Categoría:Alumnos da Universidade Politécnica de Madrid Categoría:Alumnos da Universidade de Valladolid Categoría:Deputados no Congreso dos Deputados (XIV Lexislatura) Categoría:Deputados no Congreso dos Deputados (XIII Lexislatura) Categoría:Deputados no Congreso dos Deputados (XI Lexislatura) Categoría:Deputados no Congreso dos Deputados (XII Lexislatura)