Franc Rodé, C.M., nado en Liubliana (Reino de Iugoslavia) o 23 de setembro de 1934, é un eclesiástico católico latino esloveno, cardeal e relixioso lazarista.
Traxectoria Franc Rodé naceu o 23 de setembro de 1934 en Liubliana (entón parte do Reino de Iugoslavia, hoxe en Eslovenia).
O 4 de outubro de 1959 foi ordenado diácono da súa congregación polo bispo de Ningbo André-Jean-François Defebvre. O 29 de xuño de 1960 foi ordenado sacerdote polo mesmo prelado. En 1965 doutorouse polo Instituto Católico de París coa tese Le miracle dans la controverse moderniste.
En 1987 foi nomeado secretario da Secretaría para os Non Crentes.
En 1993 foi nomeado secretario do Pontificio Consello para a Cultura.
O 5 de marzo de 1997 foi nomeado arcebispo de Liubliana. Recibiu a ordenación episcopal o 6 de abril do mesmo ano, de mans do arcebispo emérito de Liubliana Alojzij Šuštar, e tendo como co-consagrantes principais ao arcebispo de Belgrado-Smederevo Franc Perko e ao arcebispo de Toronto Aloysius Matthew Ambrožič.
O 11 de febreiro de 2004 foi nomeado prefecto da Congregación para os Institutos de Vida Consagrada e as Sociedades de Vida Apostólica. Logo da elección de Bieito XVI foi confirmado no seu cargo.
O 24 de marzo de 2006 o papa Bieito XVI creouno cardeal, co título de cardeal-diácono de San Francesco Saverio alla Garbatella.
Retirouse o 4 de xaneiro de 2011. O 20 de xuño de 2016 foi elevado ao rango de cardeal-presbítero.
Obra
Obras colectivas
Notas
Categoría:Nados en 1934 Categoría:Nados en Liubliana Categoría:Bispos católicos de Eslovenia Categoría:Cardeais de Eslovenia Categoría:Cardeais creados por Bieito XVI Categoría:Relixiosos católicos de Eslovenia Categoría:Lazaristas Categoría:Alumnos da Pontificia Universidade Gregoriana Categoría:Alumnos do Instituto Católico de París Categoría:Bispos da Igrexa católica latina Categoría:Membros da Congregación para o Culto Divino e a Disciplina dos Sacramentos Categoría:Membros da Congregación para os Institutos de Vida Consagrada e as Sociedades de Vida Apostólica Categoría:Escritores de Eslovenia Categoría:Escritores en lingua eslovena Categoría:Escritores en lingua francesa Categoría:Escritores de literatura cristiá Categoría:Doutores honoris causa pola Universidade Católica de América