Filib NaximTamén aparece citado como Philip Najim. (en ), nado en Bagdad (Iraq), é un eclesiástico católico caldeo, entre 2010 e 2018 administrador patriarcal do Cairo. Traxectoria Naceu en Bagdad o 26 de setembro de 1959. En 1979 marchou a Roma, onde se graduou en 1984 en Filosofía e Teoloxía pola Pontificia Universidade Urbaniana, e onde no mesmo ano foi ordenado sacerdote por Xoán Paulo II na basílica de San Pedro. Entre 1985 e 1990 exerceu como primeiro párroco dos caldeos no Reino Unido, e posteriormente volveu a Roma onde se graduou en Dereito canónico pola Pontificia Universidade Lateranense e se doutorou en Dereito canónico oriental polo Pontificio Instituto Oriental. En 1994 o patriarca Rafael I Bidawid nomeouno delegado patriarcal para os caldeos de Europa. En 2000 foi nomeado procurador da Igrexa católica caldea en Roma, cargo que exerceu até 2014.
O 11 de xuño de 2005 o papa Bieito XVI nomeouno visitador apostólico para os caldeos residentes en Europa; exerceu este cargo até o nomeamento como visitador de Ramsi Karmu o 20 de xullo de 2013.
En 2010, logo do pasamento do bispo Yusif Saraf, foi nomeado administrador patriarcal do Cairo. Exerceu como administrador patriarcal até a súa renuncia o 27 de agosto de 2018, e foi sucedido por Bulus Sati. En outubro de 2020 formaba parte do clero da eparquía de San Pedro Apóstolo, e o 22 de setembro de 2022 foi nomeado vigairo xudicial e párroco da parroquia de San Xosé de Spring Valley por seis anos.
Notas
Categoría:Nados en Bagdad Categoría:Nados en 1959 Categoría:Sacerdotes da Igrexa católica caldea Categoría:Sacerdotes católicos de Iraq Categoría:Sacerdotes católicos do Reino Unido Categoría:Sacerdotes católicos de Italia Categoría:Sacerdotes católicos de Exipto Categoría:Sacerdotes católicos do século XX Categoría:Sacerdotes católicos do século XXI Categoría:Alumnos da Pontificia Universidade Urbaniana Categoría:Alumnos da Pontificia Universidade Lateranense Categoría:Alumnos do Pontificio Instituto Oriental