Stefan Antonowicz DemurowTamén Stepan Antonovich Demurov, Stefano Demuroff, Stefano Demurov, Stephan Demuroff, Стефан Демуров. (en ), nado en 1871 en Tbilisi, foi un sacerdote católico latino, finado en 1938 na persecución aos católicos na URSS. Traxectoria Naceu en 1871 en Tbilisi. Entre 1895 e 1902 foi vigairo parroquial en Kutaisi, e até 1904 administrador parroquial en Perekop, e posteriormente administrador parroquial en Bacú. Coa reorganización da Igrexa católica na URSS levada a cabo no pontificado de Pío XI, o bispo Michel d'Herbigny nomeouno en 1926 administrador apostólico de Xeorxia, con sé en Tbilisi.
O 14 de novembro de 1937 foi arrestado e acusado formalmente co artigo 68 do código penal da RSS de Azerbaidján (segundo Osipova, da RSFS de Rusia), baixo a acusación de actividades de espionaxe a favor de potencias estranxeiras, e foi condenado o 11 de febreiro. Foi executado na noite do 23 ao 24 de febreiro de 1938.
Notas
Categoría:Nados en Tbilisi Categoría:Nados en 1871 Categoría:Finados en 1938 Categoría:Asasinados polo réxime soviético Categoría:Sacerdotes da Igrexa católica latina Categoría:Sacerdotes católicos de Azerbaidján Categoría:Sacerdotes católicos de Xeorxia Categoría:Sacerdotes católicos do século XX