Víctor Moldes Carro, nado en Campañó (Pontevedra) en 1886 e finado en Monte Porreiro o 17 de abril de 1937, foi un comerciante e político galego.
Traxectoria Veciño de Casaldarado (Lérez), era propietario dunha tenda de ultramarinos. Membro da Sociedade de agricultores de Lérez, foi vogal da Federación Agraria Comarcal en 1920. Nomeado presidente da federación, durante o seu mandato tivo lugar en Pontevedra un Congreso Agrario os días 25 e 26 de maio de 1935. Tamén foi presidente da patronal do gremio de ultramarinos. Participou na campaña electoral das eleccións de febreiro de 1936 dando mitins da Fronte Popular.
Logo do golpe de Estado do 18 de xullo de 1936 estivo fuxido polos arredores de Pontevedra. Despois foi fuxindo a Padrón e volveu por Vilanoviña, onde estivo varios días, regresando a Lérez onde a súa muller lle levou a nova de que o sacerdote Leandro del Río Carnota prometera que se se entregaba e lle daba cartos á Garda Cívica salvaría a vida. Presentouse no mosteiro de Lérez e foi detido o 12 de setembro.Elisa Ruibal Cons Ingresou na prisión provisional da Escola Normal de Pontevedra. Xulgado polo delito de rebelión en consello de guerra con Manuel Buján, José Acuña, Claudio Magdalena, Albino Sánchez e Constantino Gómez o 16 e 17 de febreiro de 1937, foi condenado a morte. Foi executado as sete da mañá do 17 de abril, no km 1 da Avenida do Uruguai. Tamén lle foron incautados os seus bens.BOE, 5-1-1941, p. 82. Vida persoal
Casou con Elisa Ruibal Cons, e foi pai de Victoriano, Manolo, Ramiro, Pepe e Chicha Moldes Ruibal. Notas
Véxase tamén Bibliografía Víctor Moldes Carro (I) Víctor Moldes Carro (II)
Categoría:Personalidades do agrarismo Categoría:Asasinados polo bando nacional en Galicia Categoría:Nados en Pontevedra Categoría:Nados en 1886 Categoría:Finados en 1937 Categoría:Personalidades de Galicia sen imaxes finados hai máis de 80 anos