Tetiana "Tania" Volodymyrivna Maliarchuk (en ucraíno: Тетяна "Таня" Володимирівна Малярчук, en ) nada en Ivano-Frankivsk en 1983 é unha escritora ucraína que escribe en ucraíno e, máis recentemente, en alemán.
Traxectoria Tania Maliarchuk empezou con varios volumes de historias curtas e novelas: Ендшпіль Адольфо, або троянда для Лізи (en galego, Desenlace Adolfo ou Unha Rosa para Liza) (2004), Згори вниз. Книга страхів (en galego, De Arriba Abaixo: Libro dos Medos) (2006), Як я стала святою (en galego, Como Devín en Santo) (2006), Говорити (en galego, Para Falar) (2007), e Звірослов (en galego, O home besta) (2009). A súa primeira novela, Біографія випадкового чуда (en galego, Biografía dun Milagre Accidental), foi publicada en 2012.
Maliarchuk comezou a escribir en alemán en 2014. En 2018 gañou o Premio Ingeborg Bachmann por Frösche im Meer (Ras no Mar), un texto inédito que leu no Festival de Literatura de Lingua alemá.
O seu traballo en ucraíno foi traducido a alemán desde 2009 (Neunprozentiger Haushaltsessing, Biografie eines zufälligen Wunders, ambos por Residenz Verlag). Algúns tamén foron traducidos ó inglés. A historia curta "Eu e A miña Vaca Sagrada" foi publicada en Mellor Ficción Europea de 2013, editado por Aleksandar Hemon.
Tania Maliarchuk vive en Viena.
Obras Ендшпіль Адольфо, або троянда для Лізи, en galego, Desenlace Adolfo ou Unha Rosa para Liza, 2004. Згори вниз. Книга страхів, en galego, De Arriba Abaixo: Libro dos Medos, 2006. Як я стала святою, en galego, Como Devín en Santo, 2006. Говорити, en galego, Para Falar, 2007. Звірослов, en galego, O home besta, 2009. Біографія випадкового чуда, en galego, Biografía dun Milagre Accidental, 2012. Забуття, en galego, Esquecemento, 2016. MOX NOX, 2018. За такі гріхи Бог ще подякує, en galego, Deus aínda agradece por tales pecados, 2020.
Recoñecementos e premios 2013 — «Kristal Vilenica-2013» (Eslovenia) 2013 — Premio literario Joseph Conrad-Korzeniowski 2016 — Premio ó Libro Ucraíno do Ano 2016 da BBC 2018 — Premio Ingeborg Bachmann
Notas
Categoría:Escritores de Ucraína Categoría:Nados en 1983 Categoría:Nados en Ivano-Frankivsk